Technology Khabar २० कार्तिक २०७१, बिहीबार
काठमाडौं ।
काठमाडौं, २० कात्तिक । ख्यातिप्राप्त र लोकप्रिय स्मार्टफोन ब्राण्ड मोटोरोलाको अधिग्रहण पछि लेनोभोले आफ्नो नयाँ स्मार्टफोन लन्च गरेको छ । लेनोभोले नयाँ स्मार्टफोन सिस्ले एस ९०(Sisley S90) सार्वजनिक गरेको हो । यो फोन एप्पलको आइफोन ६ जस्तै देखिने बताईएको छ । तर यो फोनमा अपरेटिङ सिष्टम भने एन्ड्रोयडको राखिएको छ ।
यो फोन एप्पल जस्तै फोन रुचाउने एन्ड्रोयड प्रयोगकर्तालाई विकल्प हुनसक्दछ । यो फोन लेनोभोले चीनमा सार्वजनिक गरेको हो । यो फोनको बजार मूल्य १९९९ चीनियाँ यूआन अर्थात ३२७ अमेरिकी डलर तोकिएको छ ।
यो फोनलाई लेनोभोले आइफोनको जस्तै बनाएको छ भने यो फोनको वेसाइटलाई पनि आइफोन ६ को वेसाइटजस्तै गरी तयार पारिएको छ । त्यस्तै वेवसाइटमा फोनको तस्विर पनि आइफोन ६ को जस्तै हुवहू हुने किसिमको वालपेपरको प्रयोग गरिएको छ ।
लेनोभोको यो नयाँ फोनमा ५ इन्चको एमोलेड डिस्प्ले राखिएको छ । यो फोनमा स्न्यापड्रागन ४१० चिपसेट तथा १.२ क्वाडकोर प्रोसेसरयुक्त छ । यो फोनमा १ जीबीको र्याम रहेको छ भने यो फोनले निकै राम्रो प्रोसेसिंग स्पीडको ग्यारेन्टी गरेको छ । ड्यूअल सिमसहितको यो फोनमा १६ जीबीको स्टोरेज मेमोरी पनि उपलब्ध रहेको छ ।
लेनोभोको सिस्ले एस९० मा १३ मेगापिक्सलको रियर क्यामरा छ भने फ्रन्ट क्यामरा ८ मेगापिक्सलको राखिएको छ । यसले सेल्फी मनपराउने हरुलाई आकर्षित गर्न सक्दछ ।
यो फोन बजारमा पिंक, ग्रे, गोल्ड र सिल्भर कलरमा उपलब्ध हुनेछ ।
लेनेभो Sisley S90 को विशेषताहरु
डिस्प्ले: 5.00 inch AMOLED HD
प्रोसेसर: 1.2 Ghz क्वाड कोर Cortex-A53
क्यामरा: 13 mp रियर, फ्ल्याश, 8 mp फ्रंट
एंड्रोयड: 4.4 किटक्याट
मेमोरी: 16 GB इनबिल्ट
र्याम: 1 GB
ब्याट्री: 2300 mAh
एजेन्सीहरुको सहयोगमा ।
प्रकाशित: २० कार्तिक २०७१, बिहीबार