Technology Khabar २० माघ २०७६, सोमबार
काठमाडौं ।
काठमाडौं । विश्वकै ठुलो पिसी मेकर कम्पनी लेनोभोले आफ्ना ल्यापटपहरुका लागी नयाँ फीचर अल्ट्रा क्वाइट मोड ल्याउने तयारी गरेको छ ।
लेनोभोको यस फीचरलाई एक चाइनिज वेबसाइटले प्रकाशमा ल्याएको हो । जसका अनुसार यस फीचरको परीक्षण प्रयोग पनि चीनमै केहि मोडलहरुमा गरिसकिएको छ । यो विशेष फीचरलाई ल्यापटपको बीआईओएस सेटिंगबाट इनेबल गर्न सकिन्छ । यसलाई एकपटक स्विच अन गरेपछि यसले मोडमा जानेछ र यो क्वाइट मोडमा स्विच हुने छ जसबाट ल्यापटपमा दबाब कम हुने छ ।
आईटीहोमका अनुसार सिपीयूलाई कुलिङ्ग मोड चाहिएको बेला ल्यापटप सामान्य मोडमा फर्किनेछ । कम्पनीले प्रयोगकर्ताहरुले ल्यापटप चलाइरहेको बेला फ्यान घुम्दा निस्कने आवाजलाई हटाउन यस फीचरको डिजाइन गरेको देखिन्छ ।
कम्पनीलाई यसअघि फ्यान घुम्दा आउने आवाजबारे धेरै गुनासाहरु आएका थिए । र त्यसैको समाधानका लागी कम्पनीले यस फीचरलाई ल्याउन खोजेको देखिन्छ । तर हालसम्म लेनोभोले आफ्ना प्रयोगकर्ताहरुका लागी यस फीचरलाई कहिले सार्वजनिक गर्ने छ भन्ने खुलाएको छैन । र हामीले यस फीचरको प्रयोगबाट ल्यापटपको दैनिक प्रयोगमा कस्तो प्रभाव पर्ने छ भन्ने पनि हेर्न बाँकी नै छ ।
आईडीसीका अनुसार परम्परागत पिसी मार्केटले २०१९ को चौथो त्रैमाशिकमा ४.८ प्रतिशतले ग्रोथ गर्दै रेकर्ड कायम गरेको छ । यसको पहिलो त्रैमाशिकमा ७ करोड १८ लाख युनिट बिक्री भएको थियो, जुन गएको पाँच वर्षको सबैभन्दा धेरै मात्रा हो ।
सात वर्षको संकुचित बजार पश्चात पिसी मार्केटले २०१९ मा ग्रोथ पाएको हो । यसवर्ष लेनोभो ले गएको दुई वर्षको तुलनामा आफ्नो मार्केट शेयरमा वृद्धि गर्दै पिसी मेकरको टपमा आउन सफल भएको छ । एजेन्सी
प्रकाशित: २० माघ २०७६, सोमबार
