वानप्लस ७प्रो अब नेपालमा भित्रियो, बजार मूल्य ८९ हजार रुपैयाँदेखि शुरु

काठमाडौं ।

काठमाडौं । वानप्लसले आफ्नो नविनतम संस्करण वानप्लस ७ प्रो नेपाली बजारमा भित्र्याएको छ । क्यामेराको अनुभवलाई पुनः परिभाषित गर्दै वानप्लस ७प्रोले प्रत्येक पलहरुलाई खिच्नका लागि ट्रिपल क्यामेरा ल्याएको छ । जसमा ४८ एमपी रियर क्यामेरा, ११७ अल्ट्रा वाइड एन्गल लेन्स र तीन गुणा अप्टिकल जुम र नाईटस्केप २.० प्रविधिका साथ स्मार्ट दृश्य पहिचान गरेर सुन्दर तस्वीरहरु खिच्न सकिन्छ ।

यसको बिल्कुलै नयाँ स्क्रीन तथा एकनासको डिस्प्ले क्यूएचडी प्लस फ्ल्यूड एमोलेड रिजोल्यूशन ३१२०x१४४० पिक्सेल QHD + Fluid AMOLED resolution (3120 by 1440 pixels) तथा ९० हर्ज रिफ्रेस रेट भएको यस फोनले साँच्चै सिनेमाको अनुभव प्रदान गर्दछ र यसको कर्भ ऐज–टु–ऐज डिजाइनले झन आकर्षक देखिने कम्पनीको भनाई छ । वानप्लस ७प्रोमा भएको ६.६७ इन्च ५५१ पीपीआई फ्ल्यूड एमोलेड डिस्प्ले अहिलेसम्म कै सबैभन्दा एडभान्स स्क्रीन भएको कम्पनीको दाबी छ ।

वानप्लस ७प्रोको अपग्रेडेड गरिएको स्क्रीन अनलक टेक्नोलोजिसँगै तपाईंले आफ्नो फोनलाई केवल ०.२१ सेकेण्डमै अनलक गर्न सक्नुहुन्छ । यसमा ४००० एमएएच ब्याट्री रहेकाले दिनभर चार्ज टिक्छ र र्यापचार्जमार्फत केबल २० मिनेटमै तपाईंले फोनलाई पुनःचार्ज गर्न सक्नुहुन्छ ।

यसमा लिक्वीड कुलिङ प्रणाली रहेको छ जसले फोनलाई तातिन बाट जोगाउँछ । त्यसबाहेक यसमा यूएफएस ३.० स्टोरेज टेक्नोलोजी रहेको छ जसले लेख्ने र पढ्ने स्पीड बढाउँछ, साथै यसमा नाइट मोड जस्ता अन्य धेरै विशेषताहरु रहेका छन् । यसमा १२ जीवी ¥याम, क्वालकम स्न्यापड्रेगन ८५५ मोबाइल प्लायटफर्म र २५६ जीवी सम्मको स्टोरेज क्षमता रहेको छ ।

वानप्लस ७ प्रो नेपाली बजारमा तिन भेरिएन्टहरु ६ जीबी र्याम/१२८ स्टोरेज, ८ जीबीर्याम/२५६ स्टोरेज र १२ जीबी र्याम/२५६ स्टोरेज मा उपलब्ध रहेको छ । जसको बजार मूल्य क्रमशः रु ८९,०००, ९९,९०० र रु १,०९,००० तोकिएको कम्पनीले जनाएको छ ।