माइक्रोसफ्टले अफिस ३६५ सफ्टवेयर सूइटको डिफल्ट फन्ट ‘क्यालिब्री’ परिवर्तन गर्दै

Technology Khabar १६ बैशाख २०७८, बिहीबार

माइक्रोसफ्टले अफिस ३६५ सफ्टवेयर सूइटको डिफल्ट फन्ट ‘क्यालिब्री’ परिवर्तन गर्दै
Classic Tech

माइक्रोसफ्टले आफ्नो अफिस ३६५ सफ्टवेयर सूइटको साथ आउने पूर्वनिर्धारित फन्ट क्यालिब्रीलाई परिवर्तन गर्ने भएको छ । कम्पनीले यहि २८ तारिखमा एक ट्विटमा सो जानकारी दिएको हो।

१४ बर्ष पछि माइक्रोसफ्टले आफ्नो डिफल्ट फन्ट परिवर्तन गर्न गइरहेको छ। यस ट्विटमा ५ नयाँ फन्टहरू पनि ल्याइयो जसले क्यालिब्रीलाई बदल्न सक्दछ। यी ५ फन्टहरूमा टेनोराइट, बिअर्सट्याड, स्कीना, सीफोर्ड, र ग्रान्डभ्यु (Tenorite, Bierstadt, Skeena, Seaford, Grandview) समावेश गरिएको छ।

माइक्रोसफ्टले यी ५ फन्टहरु मध्ये कुनै एक क्यालिब्रीको सट्टा डिफल्ट फन्ट बन्न सक्छ। नयाँ फन्ट प्रस्तुत गर्नुको अलावा कम्पनीले प्रयोगकर्ताहरूको प्रतिक्रियाको लागि पनि पर्खने बताएको छ।

माइक्रोसफ्टले प्रयोगकर्तालाई आफ्नो उत्कृष्ट फन्ट छनौट गर्न भनेको छ र कम्पनीलाई जानकारी दिन अनुरोध गरेको छ । के थाहा सायद तपाईंको मनपर्ने फन्ट डिफल्ट फन्ट हुनसक्ला । माइक्रोसफ्टले बताएअनुसार यसले आगामी केही महिनामा पाँच पूर्वनिर्धारित टाइपफेस विकल्पहरूको मूल्याङ्कन गर्नेछ। यी सबै फन्टहरू अफिस ३६५ सफ्टवेयर सूइट र अनुभवमा क्लाउड मार्फत उपलब्ध थिए।

पूर्वनिर्धारित फन्ट फस्ट इम्प्रेसनको जस्तै हुन्छ जुन प्रयोगकर्ताहरूले आफ्ना रिजुम, कागजातहरू र ईमेलहरूमा प्रयोग गर्दछन् तथा मानिसहरू समक्ष उनीहरूको पहिचान प्रकट गर्छन्।

यसका साथै कम्पनीले भन्यो हाम्रो वरिपरिको संसार र मान्छेहरूको उमेर समयसँगै बढ्दै जाँदा हामीले आफ्नो विचार व्यक्त गर्ने तरिका पनि परिवर्तन गर्नुपर्दछ।

२००७ मा टाइम्स न्यू रोमनलाई क्यालिब्रीद्वारा माइक्रोसफ्टको वर्ड, एक्सेल र पावरप्वाइन्टमा पूर्वनिर्धारित फन्टको रूपमा प्रस्तुत गरिएको थियो। एजेन्सीका साथ

TK Viber

प्रकाशित: १६ बैशाख २०७८, बिहीबार

Loading...