Technology Khabar २७ बैशाख २०७७, शनिबार
काठमाडौं ।
अल्फाबेट इंकको गूगलले आउँदो मे २२ तारिखमा आफ्ना सबै कर्मचारीहरुलाई ‘डे अफ’ लिनका लागि भनेको छ । कम्पनीले शुक्रबार कर्मचारीहरुलाई कोरोनाभाइरस महामारीको समयमा वर्क फ्रम होम सम्बन्धि विषयलाई सम्बोधन गर्नका लागि मे २२ मा छुट्टिमा बस्न भनेको हो ।
अल्फाबेटका सिईओ सुन्दर पिचाईले बिहिबार आफ्ना कर्मचारीहरुलाई मेमो पठाउँदै सो घोषणा गरेका थिए ।
गूगलले जून भन्दा अगाडि नै विश्वभरका थप कार्यालयहरु खोल्न शुरु गर्ने बताएको छ । तर गूगल कर्मचारीहरुले यो वर्षको अन्त्यसम्म घरबाट नै कामगर्न सक्ने सुबिधा प्राप्त गर्नेछन् ।
अर्को टेक कम्पनी फेसबुकले पनि शुक्रबारै आफ्ना कर्मचारीहरुलाई यो वर्षभर रिमोट वर्कको लागि अनुमति दिने घोषणा गरेको थियो । एजेन्सी
प्रकाशित: २७ बैशाख २०७७, शनिबार