एप्पल भन्दा पहिले ह्वावेले वाच ४ मार्फत ‘ब्लड सुगर मनिटरिङ’ सुबिधा प्रस्तुत गर्ने

काठमाडौं ।

एप्पलले लामो समयदेखि आफ्नो एप्पल वाचको लागि ‘नन सुगर इन्भेसिभ ब्लड सुगर मोनिटरीङ’ मा काम गरिरहेको चर्चा चलिरहेको बेला एप्पललाई ह्वावेले उछिनेकोछ।

भर्खरै लन्च गरिएको ह्वावे वाच ४ ले हाई ब्लड सुगरको जोखिम पत्ता लगाउने ग्राउन्डब्रेकिंग फिचरलाई समेटेको छ, जसबाट वेरेबल हेल्थ टेक्नोलोजीको क्षेत्रमा उल्लेखनीय प्रगतिलाई सङ्केत गरेको बताइएको छ।

मधुमेह भएका व्यक्तिहरूका लागि, रगतमा चिनीको स्तर व्यवस्थापन गर्नु महत्त्वपूर्ण हुन्छ। परम्परागत रूपमा, मधुमेह रोगीहरूले ल्यान्सेट र ग्लुकोमिटरहरू प्रयोग गरेर दिनमा धेरै पटक गरिने पीडादायी र महँगो रगत परीक्षणहरूमा भरपर्दै गर्दा  ह्वावेको आविष्कारले एक ‘नन इन्भेसिभ अल्टरनेटिभ’ प्रदान गर्ने बताइएको छ।

यसले ६० सेकेन्ड भित्र दश स्वास्थ्य सूचकहरूको व्यापक विश्लेषण मार्फत ब्लड सुगरको स्तरलाई निगरानी गर्ने पनि बताइएको छ। जबकि ह्वावे वाच ४ ले मागमा रगतमा चिनीको रिडिङ प्रदान गर्ने मात्र नभई यसले प्रयोगकर्तालाई उनीहरूको आहार र चिनीको सेवनको बारेमा सूचित निर्णयहरू गर्न मद्दत गर्न समयमै अलर्टहरू प्रदान गर्ने पनि उल्लेख छ।

ह्वावेको उपलब्धि लाई प्रतिष्ठित चिकित्सा संस्थाहरुसँग भएको व्यापक अनुसन्धान र सहयोगको परिणामको रुपमा लिईएको छ। १ लाख घण्टा भन्दा बढी ८ लाख ब्लड सुगर डाटा बिन्दुहरूको कठोर परीक्षण मार्फत, ह्वावेले एक भरपर्दो र सही स्वास्थ्य निगरानी प्रणाली विकास गरेको हो। ह्वावे वाच ४ ले हाइपरग्लाइसेमियाको जोखिम मूल्याङ्कन गर्न मुटुको दर, पल्स वेभ विशेषताहरू र अन्य प्रमुख संकेतकहरू ट्र्याक गर्नेछ।

यो सुविधा प्रयोगका लागि, प्रयोगकर्ताले तेस्रो पक्षिय चिकित्सा संस्थाद्वारा आयोजित ब्लड सुगर स्वास्थ्य अनुसन्धान कार्यक्रममा भाग लिनुपर्ने तथा  १८ वर्षभन्दा माथिको हुनुपर्ने पनि बताइएको छ। ह्वावे वाच ४ मेडिकल डिभाइसको रूपमा वर्गीकृत नभएको बरु यसले प्रदान गरेको जानकारीले सन्दर्भको रूपमा कार्य गर्ने उल्लेख गरिएको छ।

त्यस्तै, टाइप टू मधुमेह भएका व्यक्तिहरूलाई तिनीहरूको प्यान्क्रियाजले इन्सुलिन उत्पादन नगर्ने भएकाले यो प्रविधि प्रयोग गर्न सल्लाह नदिइएको बताइएको छ। यद्यपि, टाइप टू मधुमेहका बिरामीहरू,जसले समयसँगै इन्सुलिन उत्पादनमा कमी र इन्सुलिन प्रतिरोधको अनुभव गर्दे ह्वावे वाच ४ को ब्लड सुगर अनुगमन सुविधाबाट फाइदा लिन सक्ने छन्।

सुरुवातमा, यो अत्याधुनिक सुविधा चिनियाँ बजारमा बेच्ने मोडेलहरूमा सीमित हुनेछ। ह्वावे वाच ४ मा १.५ इन्चको एमोलेड डिस्प्ले रहेको तथा हार्मोनी ओएस ३.१ द्वारा संचालित हुने बताइएको छ। यसले ब्लड अक्सिजन रिडिङ र इलेक्ट्रोकार्डियोग्राम (ईसीजी) विश्लेषण सहित विभिन्न स्वास्थ्य सम्बन्धित कार्यहरू प्रदान गर्ने पनि बताइएको छ। डिभाइसले तीन दिनसम्म ब्याट्री जीवन प्रदान गर्ने तथा ५ एटीएमसम्म पानी प्रतिरोधी रहेको छ।