Technology Khabar ५ मंसिर २०७६, बिहीबार
काठमाडौं ।
काठमाडौं । मोबाइल सेवा प्रदायक एनसेलले सरकारलाई २१ अर्ब १० करोड ३९ लाख रुपैयाँ मात्र बाँकी लाभकर तिरे पुग्ने भएको छ । सर्वोच्च अदालतले एनसेलको लाभकर विवादसम्बन्धी मुद्धाको पूर्ण पाठ सार्वजनिक गर्दै सो निर्णय गरेको हो ।
एनसेलले ठूला करदाता कार्यालयले आफूलाई निर्धारण गरेको कर गैरकानूनीरुपमा गरिएको भन्दै सर्वोच्चमा रिट दायर गरेको थियो । सोहि निर्णयको पूर्ण पाठअनुसार अब एनसेलले केबल २१ अर्ब १० करोड ३९ लाखरुपैयाँ मात्र कर तिर्ने पुग्ने भएको हो ।
एनसेलले टेलियासोनेराले शेयर बिक्री गरेबापतको लाभकर तिर्नुपर्नेमा आफूलाई कर लगाईएकोले सो निर्णय खारेज गर्नुपर्ने दाबी गरेको थियो ।
सर्वोच्चले यसअघि नै ठूला करदाता कार्यालयले निर्धारण गरेको करलाई बदर गर्दै करमा १७ अर्ब ९५ करोड रुपैयाँ छुट गरेको हो ।
यसअघि ठूला करदाता कार्यालयले एनसेललाई जरिवानासहित ६२ अर्ब ६३ करोड रुपैयाँ पुँजीगत लाभकर निर्धारण गरेको थियो । जसमा एनसेलले आफूले २३ अर्ब ५७ करोड रुपैयाँ तिरिसकेको भन्दै बाँकी रकम तिर्न नपर्ने दाबी गर्दै मुद्धामा गएको थियो ।
तर अब भने एनसेलले २१ अर्ब १० करोड ३९ लाख रुपैयाँ तिर्नुपर्नेछ भने यसमा ब्याज थप जोडिनेछ ।
पाँचजना न्यायाधिसको पूर्ण इजलासले गरेको सो निर्णयको पूर्णपाठमा भने न्यायाधीश सुष्मालता माथेमाले फरक मत राखेकी छन् ।
Ncell फैसला 2nd
प्रकाशित: ५ मंसिर २०७६, बिहीबार
