बौद्धिक सम्पत्ति दूरुपयोग गरेको भन्दै ह्वावेद्धारा ट्रान्जिन होल्डिङ्गस विरुद्ध कानूनी मुद्धा दायर

काठमाडौं । टेक्नो र आइटेल ब्राण्डमा मोबाइल फोन निर्माण गर्दै आएको कम्पनी ट्रान्जिन होल्डिङ्गसका विरुद्धमा ह्वावेले मुद्धा दायर गरेको छ ।

चिनियाँ टेक कम्पनी ह्वावेले बौद्धिक सम्पत्तिको दूरुपयोगको विषयमा अदालतमा मुद्धा दायर गरेको हो । ह्वावेकाअनुसार पेटेन्ट अधिकार दूरुपयोगको घट्नामा २० मिलियन चिनियाँ यूआन ट्रान्जिन होल्डिङ्गस र उसका पाँच सब्सिडरी कम्पनीहरुबाट दाबी गरिएको छ ।

चीनको सेनझेन सहरको स्थानिय अदालतले ह्वावेको सो उजुरी स्विकार गर्दै ट्रान्जिन होल्डिङ्गस र उसका पाँच सब्सिडरी कम्पनीहरुका विरुद्धमा दायर गर्न अनुमति दिएको छ ।

ट्रान्जिन होल्डिङ्गसकाका चेयरम्यान झु झाओजियाङ्गले स्थानिय मिडियासँग कुरागर्दै सो मुद्धाको बारेमा तटस्थ सुनुवाई हुने विश्वास गरेको बताईएकोछ ।

हालै केहि दिनअघि मात्र ट्रान्जिन होल्डिङ्गसले चीनको स्टार स्टक एक्सचेन्जमा आफ्नो शेयर सूचिकृत गर्ने घोषणा गरेको थियो । चीनको नास्डाक स्टायलको स्टक मार्केटबाट पहिलो दिनमा नै कम्पनीले ९६ प्रतिशत कारोबार गर्न सफल भएको थियो ।

ट्रान्जिन होल्डिङ्गस अफ्रिकाको सबैभन्दा ठूलो मोबाइल ब्राण्ड हो । नेपालमा पनि ट्रान्जिन होल्डिङ्गसका मोबाइल फोनहरु टेक्नो र आइटेल बिक्री भईरहेका छन् । एजेन्सी