सामसङको बजेट स्मार्टफोन ग्यालेक्सी एम ३१ लन्च, ६४ मेगापिक्सेलको क्वाड क्यामरा सेटअप

Technology Khabar १५ फाल्गुन २०७६, बिहीबार

सामसङको बजेट स्मार्टफोन ग्यालेक्सी एम ३१ लन्च, ६४ मेगापिक्सेलको क्वाड क्यामरा सेटअप

काठमाडौं । स्मार्टफोन निर्माता कम्पनी सामसङले मिड रेन्ज सेगमेन्टमा आफ्नो एम सीरीजको नयाँ स्मार्टफोन ग्यालेक्सी एम३१ लाई भारतमा सार्वजनिक गरेको छ । यस फोनमा ठुलो ब्याट्री ब्याकअपसँगै क्वाड क्यामरा सेटअप रहेको छ । यसलाई यसअघिको एम३० को सक्सेसर मानिएको छ ।

कम्पनीको नयाँ ग्यालेक्सी एम३१, दुई स्टोरेज अप्शन सँगै सार्वजनिक गरिएको हो । फोन ब्ल्यु र स्पेस ब्ल्याक कलर अप्शन सँगै रहेको छ । यसको ६जीबी र्याम र ६४ जीबी स्टोरेजको मुल्य १४,९९९ भारु तोकिएको छ भने ६जीबी र्याम र १२८जीबी स्टोरेजको मुल्य १५,९९९ भारु राखिएको छ ।

नयाँ ग्यालेक्सी एम३१ मा ६.४ इन्चको फुल एचडि प्लस डिस्प्ले रहेको छ । यसबाहेक पर्फमेन्सको लागी यसमा कम्पनीले आफ्नै अक्टा कोर एक्सीनेज ९६११ चिपसेट प्रयोग गरेको छ । यस फोन एन्ड्रोएड १० मा आधारित यूआई २.० मा रन गर्दछ । यस फोनमा ६,००० एमएएचको ब्याट्री रहेको छ । जुन १५ जाटको फास्ट चार्जिंग सहित रहेको छ ।

कम्पनीले यस नयाँ फोनको क्यामरा सेक्सनको निकै ध्यान दिएको देखिन्छ । यसको रियरमा क्वाड क्यामरा सेटअप रहेको छ । जसमा ६४ मेगापिक्सलको प्राइमरी सेन्सर, ८ मेगापिक्सलको अल्ट्रा वाइड एंगल लेन्स, ५ मेगापिक्सलको माईक्रो शुटर र ५ मेगापिक्सलको डेप्थ सेन्सर रहेको छ । त्यस्तै फोनमा सेल्फिको लागी ३२ मेगापिक्सलको फ्रन्ट क्यामरा रहेको छ ।

कनेक्टिभीटीको लागी फोनमा ४जी भोएलटिई, वाईफाई, ब्लुटुथ, जीपीएस र यूएसबी टाईप सी जस्ता फिचरहरु रहेको छ । जसले फोनलाई मिड रेन्ज भेरियन्टमा उत्कृष्ट बनाउन सक्ने छ । एजेन्सी

प्रकाशित: १५ फाल्गुन २०७६, बिहीबार

Comments are closed.

Loading...