वैदेशिक रोजगारीबाट फर्किनेलाई टेलिभिजन ल्याउन रोक्नुपर्ने सिजीको माग

Technology Khabar २४ बैशाख २०७६, मंगलवार

वैदेशिक रोजगारीबाट फर्किनेलाई टेलिभिजन ल्याउन रोक्नुपर्ने सिजीको माग
Classic Tech

काठमाडौं–सिजीले आगामी आर्थिक वर्षको बजेटमा विदेशबाट टिभी ल्याउने व्यवस्था हटाउनु पर्ने माग गरेको छ । नेपालमा सीजी टेलिभिजन उत्पादन गर्दै आएको सीजी इलेक्ट्रोनिक्स कम्पनीले विदेशबाट आउँदा टिभी ल्याउने व्यवस्था हटाउन माग गरेको हो ।

वैदेशिक रोजगारीमा जानेले ल्याउने टेलिभिजनको करछुटको व्यवस्था हटाउनु पर्ने माग सहितको पत्र कम्पनीले अर्थ मन्त्रालयका राजस्व सचिवलाई पठाएको छ ।

विदेशबाट आउँदा ल्याउने टेलिभिजनमा रोक लगाई नेपालमा नै उत्पादन हुने टेलिभिजन एयरपोर्टमा नै ड्युटी फ्रि पसल राखेर खरिद गराउनुपर्ने माग कम्पनीले गरेको हो ।

गत वर्षको आर्थिक विधेयकमा भएको संशोधनले नेपालमा रहेको टेलिभिजन उद्योगहरु बाँच्न नसक्ने अवस्था भएको कम्पनीले दाबी गर्दै विदेशबाट पैठारी हुने तयारी टेलिभिजन र नेपालमा उत्पादन हुने टिभीमा लाग्ने समस्टि राजस्वमा खासै फरक नभएकाले नेपाली उद्योग बन्द हुने अवस्था आएको उल्लेख गरेको छ ।

यसले गर्दा हजारौको रोजगारी पनि अन्त्य हुने अवस्था सृजना भएको कम्पनीको भनाई छ ।
स्वदेशमा उत्पादन हुने र विदेशबाट ल्याउने टिभीमा उस्तै कर भएकाले पनि नेपाली व्यवसायीहरु मारमा परेको भन्दै आगामी आर्थिक विधेयकमार्फत विदेशबाट टिभी ल्याउने व्यवस्था हटाउन राजस्व सचिवको ध्यानाकर्षण गराइएको छ ।

वैदेशिक रोजगारमा गएकाहरुले कम्तीमा १२ महिना काम गरी फर्केपछि एक पटक ल्याएको ३२ इन्चको टिभीमा सम्पूर्ण महसुल कर छुट दिने व्यवस्था छ । तर यो व्यवस्थाले स्वदेशी उत्पादन मर्कामा परेको सिजीको गुनासो छ । यसको विकल्पका रुपमा हाल ३२ इन्चसम्मको टेलिभिजनमा यो सुविधा दिइएकोमा अब २४ इन्चसम्मलाई एक पटक मात्रै ल्याउने व्यवस्था गर्न सीजीले सुझाव दिएको छ।

सीजीले पत्रमार्फत भनेको छ, ‘आर्थिक वर्ष २०७२÷०७३ मा ५ प्रतिशत अन्तशुल्क लागेको थियो । ०७३÷०७४ मा बढेर १० प्रतिशत पुग्यो । ०७४÷०७५ मा मूलय अभिवृद्धि ५० प्रतिशतभन्दा बढी रहेको र सो मूल्य अभिवृद्धि पछिको अन्तशुल्क गणना गर्दा यो दर २५ प्रतिशत हुन्छ ।’

माध्यम

प्रकाशित: २४ बैशाख २०७६, मंगलवार

Comments are closed.

Loading...