Technology Khabar ३१ भाद्र २०७७, बुधबार
काठमाडौं ।
सिटिजन्स बैंक इन्टरनेसनल लिमिटेडले स्क्यान र विथड्र सेवा सुरु गरेको छ।
स्क्यान र विथड्र मार्फत चेक बिना नै आफ्नो मोबाइल बैंकिङ्ग एपमा लग–ईन गरेर काउन्टरमा भएको क्यूआर कोड स्क्यान गरी खाताबाट रकम झिक्न सकिन्छ।
बैंकले हाललाई यो सेवा काठमाडौं उपत्यकाका दरवारमार्ग र कमलादी शाखाबाट दिएको छ।
यस सेवालाई देशभरीका अन्य शाखाहरुबाट समेत प्रवाह गर्ने उद्देश्य रहेको बैंकका प्रमुख कार्यकारी अधिकृत गणेशराज पोखरेलले बताए।
यसको प्रयोगले कर्मचारी र ग्राहकको सम्पर्क घट्ने हुँदा संक्रमणको जोखिम न्यून हुने विश्वास बैंकले लिएको छ।
सिटिजन्स बैंक इन्टरनेसनल लिमिटेडले ११० वटा शाखा, ९८ वटा एटीएम र १०४ वटा शाखारहित बैंकिङ्ग इकाईहरुबाट करिब साढे ६ लाख ग्राहकलाई सेवाहरु दिँदै आएको जनाएकोछ।
प्रकाशित: ३१ भाद्र २०७७, बुधबार
