Technology Khabar १६ पुष २०७२, बिहीबार
काठमाडौं ।
काठमाण्डौं, १६ पुस । सामसुंग ग्यालेक्सीको नयाँ फ्ल्यागशिप फोन ग्यालेक्सी एस सेभेन (Galaxy S7) कस्तो हुन्छ भन्ने अझैपनि स्पष्ट भएको छैन् । ग्यालेक्सी एस सेभेनको स्क्रीन कस्तो हुने र कति साईजको हुन्छ भन्ने उत्सुकता रहेपनि त्यसको बारेमा कुनै ठोस जानकारी आएको छैन् ।
सामसुंग ग्यालेक्सी एस सेभेनको स्क्रीन साइज कति हुने, कर्भ्ड हुने वा नहुने बारेमा त्यसको सबैभन्दा नजिकको कम्पनी आईटिस्कीन्सबाट (ITSKINS) केहि जानकारी आएको छ ।
सामसुंगको मूख्य आधारभूत ग्यालेक्सी एस सेभेनको स्क्रीन ५.१ इन्चको हुनेछ भने त्यसमा कुनै कर्भ्ड अप्सन छैन, अर्थात फ्ल्याट हुने टेक साइट जीएसएमएरेनाले जनाएको छ । त्यसैगरी ग्यालेक्सी एस सेभेन एजमा त्यो भन्दा ठूलो ५.५ इन्चको स्क्रीन हुनेछ भने यो फोन कर्भ्ड हुनेछ । सामसुंगले पनि एप्पलको आईफोनको प्लस सिरिज जस्तै प्लस सिरिजमा ग्यालेक्सी एस सेभेन प्लस ल्याउनेछ जुन ६ इन्चको हुनेछ भने यसमा दुई स्क्रीन अप्शन हुनसक्नेछ ।
यसका साथै सामसुंगले अतिरिक्त संस्करणको पनि योजना बनाईरहेको छ, जुन आईटिस्कीन्सलाई अधिक जानकारी छैन् । यो आधारमा हेर्दा प्रयोगकर्तालाई स्क्रीन साइजको आधारमा छनौटको अवसर हुनेछ । भविश्यमा ग्यालेक्सी एस सेभेनको सानो, मध्यम र ठूलो स्क्रीन साइजमा स्मार्टफोन उपलब्ध हुनसक्ने जिएसएम एरेनाले उल्लेख गरेको छ । यसमध्ये मध्यम र ठूलो संस्करणमा कभ्र्ड स्क्रीन हुनेछ, जुन स्टाईलमा सजग उपभोक्ताहरुका लागि हुनेछ ।
यो जानकारी आईरहँदा अझैपनि सामसुंगको स्मार्टफोनको लाइनअपको बारेमा स्पष्ट जानकारी भने आईसकेको छैन् ।
प्रकाशित: १६ पुष २०७२, बिहीबार