माइक्रोम्याक्सको स्मार्टफोन ‘क्यानभास ब्लेज फोरजी प्लस’, बजेट मूल्यमा फोरजी फोन

Technology Khabar २९ कार्तिक २०७२, आईतवार

माइक्रोम्याक्सको स्मार्टफोन ‘क्यानभास ब्लेज फोरजी प्लस’, बजेट मूल्यमा फोरजी फोन
Classic Tech

काठमाडौं, २९ कात्तिक । भारतीय स्मार्टफोन निर्माता कम्पनी माइक्रोम्याक्सले क्यानभास ब्लेज फोरजी को नयाँ भर्सनको स्मार्टफोन ल्याएको छ । कम्पनीले माइक्रोम्याक्स क्यानभास ब्लेज फोरजी प्लस फोन आफ्नो वेबसाइटमा लिस्ट गरेको छ ।

माइक्रोम्याक्स क्यानभास ब्लेज फोरजी प्लस स्मार्टफोन वेबसाइटमा लिस्ट भएपनि यो फोनको मूल्य र कहिलेदेखि उपलब्ध हुन्छ भन्ने कुनै जानकारी छैन् ।

माइक्रोम्याक्स क्यानभास ब्लेज फोरजी प्लसको सबैभन्दा मुख्य विषय भनेको यो फोनले फोरजी एलटिई नेटवर्क सपोर्ट गर्दछ । कम्पनीकाअनुसार यो स्मार्टफोनले १५० एमबीपीएस सम्मको डाउनलोड स्पीड सपोर्ट गर्दछ ।

यो स्मार्टफोनमा क्यानभास ब्लेज फोरजी प्लसमा ४.५ इन्चको आईपीएस डिस्प्ले रहेको छ जसको रिजोल्यूशन ४८०X८५४ पिक्सेल रहेको छ ।

माइक्रोम्याक्सको नयाँ फोनमा १ जीबीको र्याम राखिएको छ भने ८ जीबीको इन्टरनल मेमोरी राखिएको छ जसलाई माइक्रो एसडी कार्डद्धारा बढाएर ३२ जीबीसम्म पुर्याउन सकिन्छ ।

फोनमा दुई सिम प्रयोग गर्न सकिन्छ भने एन्ड्रोयडको ललीपप ५.१ भर्सनको अपरेटिंग सिस्टममा आधारित रहेको छ । यो फोनमा फोरजीसहित थ्रीजी, वाईफाई, ब्लूटूथ तथा माइक्रोम्याक्स यूएसबी कनेक्टिभिटी फीचर रहेको छ ।

माइक्रोम्याक्स क्यानभास ब्लेज फोरजी फोनमा एलईडी फ्ल्याशसहितको ८ मेगापिक्सेलको अटोफोकश रियर क्यामरा तथा २ मेगापिक्सेलको फ्रन्ट क्यामरा तोकिएको छ । micromax-canvas_blaze_2१.१ गीगाहर्जको क्वाड-कोर क्वालकम स्न्यापड्रयागन २१० मिडिया टेक एमटी ६७३५ एम प्रोसेसर राखिएको छ भने यसमा १७५० एमएएचको ब्याट्री रहेको छ ।

मध्यम श्रेणीको बजेट फोनको जस्तै फीचर रहेको यो फोनको मूल्य र उपलब्धताको बारेमा चाँडै नयाँ जानकारी आउने संभावना रहेको छ ।

यो फोन ब्ल्याक कलरमा बजारमा आउन सक्ने र यसको मुल्य ६ हजारदेखि ७ हजार भारुसम्म हुने अनुमान गरिएकोछ  ।

प्रकाशित: २९ कार्तिक २०७२, आईतवार

Comments are closed.

Loading...