सामसुंगको नयाँ भर्च्यूअल रियालिटी ग्लास ‘गियर भिआर’ आउँदै

काठमाडौं ।

काठमाडौं, ८ असोज । इलेक्ट्रोनिक्स डिभाइस मेकर कम्पनी सामसुंग र ओकुलसले कन्ज्यूमर भर्सनको नयाँ गियर भिआर ग्लास (Gear VR Glass) घोषणा गरेको छ । कम्पनीले ल्याएको नयाँ भर्च्यूअल रिआलिटी ग्लास सामसुंगका स्मार्टफोनहरु ग्यालेक्सी नोट फाइभ, एस सिक्स, एज तथा एज प्लसका साथमा काम गर्दछ ।

सामसुंले नयाँ मोडलको गियर भिआर यसअघिको इनोभेटर एडिशन (Innovator Edition) भन्दा २२ प्रतिशत हलुका भएको बताएको छ, साथै यो प्रयोग गर्न आरामदायी पनि रहेको कम्पनीले जानकारी दियो ।

सामसुंगको नयाँ गियर भिआर सबैभन्दा पहिले अमेरिकामा नोभेम्बर मध्यमा सार्वजनिक हुनेछ । यो डिभाइस फ्रोस्ट ह्वाइट (Frost White) कलरमा आउनेछ भने यसको मूल्य ९९ अमेरिकी डलर तोकिएको छ ओकुलसले बताएको छ । अमेरिकामा सार्वजनिक भएपछि मात्र अन्य ४० भन्दा बढि मुलुकहरुमा सार्वजनिक हुनेछ ।

यसअघि सामसुंगले पहिलो गियर भिआरको पहिलो संस्करण गत वर्षको सेप्टेम्बरमा सार्वजनिक गरेको थियो ।

ओकुलसले यसका साथै भर्च्यूअल रियालीटी प्रोडक्सका लागि नयाँ कन्टेन्टको पनि घोषणा गरेको छ । यसमा गेम डेपलपरर्स तथा मूभी प्रोड्यूसर्ससँग पनि नयाँ सम्झौता गरिएको छ । आगामी साताहरुमा ओकुलस सिनेमा सर्भिसको नाम परिवर्तन गरेर ओकुलस भिडियो नामाकरण गरिँदै १०० भन्दा बढि नयाँ फिल्महरु राखिनेछ ।

गेमिंग नेटवर्क ट्विच तथा भिडियो साईट भिमिओ, हुलु तथा टेनफ्लिक्ससहित अन्य नयाँ सहकर्मीहरुले पनि ओकुलसको लागि एप्स विकास गरिरहेका छन् ।

ओकुलसले आफैंपनि ओकुलस रेडि भन्ने प्रोग्राम विकास गरिरहेको छ, जसले भिआर ग्लाससँग इन्टरयाक्ट गर्ने हार्डवेयरलाई सिग्नल प्रदान गर्दछ । यसको पहिलो उत्पादन असुस, डेल तथा एलियनवेयरजस्ता कम्पनीहरुले आगामी वर्षको शुरुवातमा गर्ने अपेक्षा गरिएको छ ।