एप्पल वाच अल्ट्राको ‘फल डिटेक्सन’ सुविधाले मधुमेह भएका व्यक्तिलाई बचाउन सफल

काठमाडौं ।

एप्पल वाच अल्ट्राको फल डिटेक्सन सुविधाले भर्खरै लस भेगासमा एक मधुमेही व्यक्तिको जीवन बचाउन महत्त्वपूर्ण भूमिका खेलेको छ।

४० वर्षीय  स्थानिय निवासी जोश फरमान, लो ब्लड प्रेसरको कारण बेहोस भएका थिए। उनको स्मार्टवाचले स्वचालित रूपमा ९११ डायल गरेको बताइएको छ। यसले नै अन्त्यमा उनको उद्धारको लागि नेतृत्वदायी भूमिका खेलेको थियो।

फरमान बेहोस हुँदा उनको एप्पल वाच अल्ट्राले पत्ता लगाएर आपतकालीन सेवाहरूमा कल सुरु गरेको थियो। यद्यपि उनले ९११ अपरेटरसँग स्पष्ट रूपमा कुराकानी गर्न भने नसकेको बताइएको छ। उनको वाचले उनको स्थान शेयर गरेपछी, रेस्पोन्डर्सलाई तुरुन्तै पुग्न मद्दत गरेको थियो।

त्यसपछि, वाचले उनको स्वास्थ्य अवस्था बारे फरमानकी आमा, आपतकालीन सेवा टोली तथा एमर्जेन्सी कन्ट्याक्टहरूलाई सन्देशहरू पठाएको उल्लेख छ।

फरमानको मामलाले स्मार्टवाच सेटिङहरू एड्जस्ट गर्ने महत्त्वलाई हाइलाइट गर्छ। उनले फल डिटेक्सन फिचर सक्रिय गरेका थिए। जुन सामान्यतया ५५ वर्ष मुनिका प्रयोगकर्ताहरूका लागि पूर्वनिर्धारित रूपमा बन्द हुन्छ।

यो सुविधा मुख्यतया शारीरिक गतिविधिहरूको समयमा प्रयोगको लागि डिजाइन गरिएको बताइएको छ। तर यसलाई सधैं जारी राख्ने फरमानको निर्णय जीवन बचाउने विकल्प साबित भयो। उनले उपलब्ध सुविधाहरू बुझ्ने र प्रयोग गर्ने महत्त्वलाई जोड दिँदै आफ्नो घडीको फल डिटेक्सन सुविधा नभएको भए परिणाम धेरै फरक हुन सक्ने बताए।

उपयुक्त एप्पल वाच मोडलहरूमा रहेको फल डिटेक्सन सुविधाले नाडीलाई हल्का ट्याप गरेर, अलार्म उत्सर्जन गरेर, तथा यसले महत्त्वपूर्ण फल पत्ता लगाएमा सूचना प्रदर्शन गर्ने उल्लेख छ। प्रयोगकर्ताहरूसँग आपतकालीन सेवाहरूलाई सम्पर्क गर्ने वा सूचना रद्द गर्ने विकल्प छ।

यदि वाचले लगभग एक मिनेटको लागि मुभमेन्टको कमी पत्ता लगाएमा, यसले स्वचालितरूपमा आपतकालीन सेवाहरू डायल गर्ने तथा आपतकालीन सम्पर्कहरूसँग प्रयोगकर्ताको स्थान साझा गर्ने गर्छ।

जबकि एप्पल वाचले प्रत्यक्ष रूपमा ब्लड प्रेसरको स्तर ट्र्याक गर्न सक्दैन। यो अझै पनि फरमानको मामलामा जस्तै आपतकालीन अवस्थामा एक मूल्यवान उपकरण हुन सक्ने बताइएको छ। यो घटनाले उचित रूपमा प्रयोग गर्दा वेयरेबल प्रविधिको सम्भावित लाइफ-सेभिङ क्षमताहरू स्मरण गराउने कार्य गर्छ।