Technology Khabar १५ चैत्र २०८०, बिहीबार
काठमाडौं ।
इलन मस्कले मंगलबार आर्टिफिसियल इन्टेलिजेनस स्टार्टअप एक्सएआईको च्याटबट ग्रो सोशल मिडिया प्लेटफर्म एक्सका सबै प्रिमियम सब्सक्राइबरका लागि सक्षम हुने बताएका छन्।
उनले थप विवरण खुलास नगरी एक्समा एक पोस्ट मार्फत यो घोषणा गरेको रोयटर्सले उल्लेख गरेको छ। यस अघि च्याटबट एक्सका प्रिमियमप्लस सब्सक्राइबरका लागि मात्र उपलब्ध थियो।
धेरै विज्ञापनदाताहरू माइक्रोब्लगिङ प्लेटफर्मबाट टाढा जाँदा, अर्बपतिले विज्ञापनमा कम्पनीको निर्भरता घटाउन जोड दिएका छन् र आफ्नो ध्यान थप आकर्षक सब्सक्रिप्सन योजनामा केन्द्रित गरेका छन्।
यस महिनाको सुरुवातमा मस्कले एक्सएआई ग्रोक ओपन स्रोस हुने बताएका थिए। साथै उनले नाफाका लागि ओपनएआईले मुल लक्ष्य छोडेको आरोपमा मुद्दा पनि हालेका थिए।
यस कदमले जनतालाई टेक्नोलोजी पछाडिको कोड प्रयोग गर्न निःशुल्क पहुँच दिन सक्छ र मेटा र फ्रान्सको मिस्ट्रल जस्ता फर्महरूसँग एक्सएआईलाई पङ्क्तिबद्ध गर्दछ। दुबैसँग ओपन सोर्स एआई मोडल छ।
प्रकाशित: १५ चैत्र २०८०, बिहीबार