पूर्व अमेरिकी राष्ट्रपति ट्रम्पद्वारा मेटासँग आफ्नो फेसबुक खाता पुनर्स्थापित गर्न आग्रह

काठमाडौं ।

पूर्व अमेरिकी राष्ट्रपति डोनाल्ड ट्रम्पले आफ्नो फेसबुक खाता पुनर्स्थापित गर्न मेटामा निवेदन दिएका छन्। एनबीसी न्यूजकाअनुसार ट्रम्पको अभियानले मंगलबार कम्पनीलाई पत्र पठायो र उनको “प्लेटफर्ममा तुरुन्त पुनर्स्थापना” बारे छलफल गर्न बैठकको लागि जोड दिएको छ।

सन् २०२० मा, फेसबुकले जनवरी ६ तारिखमा भएको क्यापिटल दंगा पछि ट्रम्पलाई प्रतिबन्ध लगाएको थियो। सुरुमा, निलम्बन २४ घण्टाको लागि तय गरिएको थियो, तर कम्पनीले एक दिनपछि अनिश्चितकालीन प्रतिबन्ध लगाएको थियो। जुन २०२१ मा, निरीक्षण बोर्डको सिफारिस पछ्याउँदै, मेटाले दुई वर्षपछि निलम्बनलाई पुन: अवलोकन गर्नेछ र “सार्वजनिक सुरक्षाको लागि जोखिम” को “मूल्याङ्कन” गर्नेछ जसमा ट्रम्पले आफ्नो खाता फिर्ता लिनुपर्छ कि भनेर निर्धारण गर्ने बताएको थियो।

कम्पनीले एनबीसी न्यूजलाई भन्यो “हामीले राखेको प्रक्रिया अनुसार आउँदो हप्ताहरूमा निर्णय घोषणा गर्ने”।

२०२१ मा, मेटाले ट्रम्पको प्रतिबन्ध सधैंभरि रहने छैन भन्ने संकेत दियो। “जब निलम्बन अन्ततः हटाइन्छ, यदि उसले हाम्रो नीतिहरूको उल्लङ्घन गर्द भने ट्रम्पको खाता नयाँ परिष्कृत जरिवानाको अधीनमा हुनेछ र उनको खाताहरू स्थायी रूपमा हटाउने सहितको विकल्प हुनेछ,” निक क्लेग, मेटाका ग्लोबल अफेयर्सका अध्यक्षले त्यस समयमा भनेका थिए।

यो पत्र सन् २०२४ को राष्ट्रपतीय निर्वाचनअघि आफ्नो फेसबुक खाता पुनः नियन्त्रण गर्न ट्रम्पले गरेको प्रयास भएको इन्ग्याजेटले रिपोर्टमा उल्लेख गरेको छ। ट्रम्पका ३४ मिलियन भन्दा बढी फेसबुक अनुयायीहरू छन्, र प्लेटफर्म उनको सन् २०१६ मा चुनावी दोडको लागि महत्वपूर्ण थियो।

चुनाव पछि प्रकाशित ब्लुमबर्ग रिपोर्टअनुसार, ट्रम्प अभियानले कम्पनीका प्रयोगकर्ताहरूबाट सबैभन्दा बढी संलग्नता पाएको परीक्षण गर्न विज्ञापनहरूको ५९ लाख विभिन्न संस्करणहरू चलाएको थियो। मेटाले पछि उच्च मात्राको विज्ञापनमा सीमा राख्यो।

ट्रम्प संगठनका एक कर्मचारीले एनबीसी न्यूजलाई बताएअनुसार उक्त परिवर्तनले ट्रम्पको २०२० अभियानलाई २०१६ मा जस्तै फेसबुकको व्यापक प्रयोग गर्नबाट रोकेको छ।