Technology Khabar ९ कार्तिक २०७८, मंगलवार
काठमाडौं ।
अमेरिकी भुक्तानी कम्पनी पेपलले हाल सोशल मिडिया प्लेटफर्म पिन्ट्रेस्टलाई किन्नमा रुचि नभएको बताएको छ।
कम्पनीले यसलाई “बजार अफवाहहरू” भएको प्रतिक्रिया दिँदै, वित्तीय प्रविधि कम्पनीले आइतवार आफ्नो वेबसाइटमा एक अपडेटमा यो यस समय पिन्ट्रेस्ट (Pinterest) को अधिग्रहणको पछि नलाग्ने बताएको हो।
नास्डाक स्टक एक्सचेन्जमा सोमबार बिहानको कारोबारमा पेपलको शेयर ३ प्रतिशतले वृद्धि भएको थियो, जबकि पिन्ट्रेस्टको शेयर १२ प्रतिशत भन्दा तल झरेको थियो।
पेपाल बुधवार विभिन्न समाचार रिपोर्टहरुमा सोशल मिडिया कम्पनी पिन्ट्रेस्ट किन्न अन्तिम चरणको वार्तामा भएको बताईएको थियो।
पिन्ट्रेस्टको शेयर रिपोर्ट आएपछि बढ्यो। त्यसबेला कम्पनीको स्टक १२ प्रतिशत भन्दा माथि पुग्दा दुई पटक रोकिएको थियो, तर पेपलको सेयर लगभग ५ प्रतिशत तल झरेर बन्द भएको थियो।
भर्खरको विकास पिन्ट्रेस्टको लागी एक झटका हो, जो हाल यसको सह-संस्थापक इवान शार्पलाई गुमाउने र प्रयोगकर्ता वृद्धिमा सुस्तताको दोहोरो चुनौतिहरुसंग जुधिरहेको छ। जसले यसको भावी वृद्धिको संभावनाहरुलाई बाधा पुर्याएको छ।
पिन्ट्रेस्टको बजार मूल्य करिब ३७ अर्ब डलर छ र पेपलले डिजिटल पिनबोर्ड साइटलाई अधिकतम ४५ अर्ब डलर तिर्ने अनुमान गरिएको थियो। एजेन्सीहरु
यो पनि हेर्नुस्-
पेपलले पिन्ट्रेस्टको स्वामित्व ग्रहण गर्दै, छलफल अन्तिम चरणमा
प्रकाशित: ९ कार्तिक २०७८, मंगलवार