Technology Khabar ६ जेष्ठ २०७८, बिहीबार
काठमाडौं ।
एमआई स्मार्ट ब्याण्ड ६ मा पछिल्लो अपडेटको माध्यमबाट टेक्स्ट मेसेजको जवाफ दिन सकिने सुविधा प्राप्त भएको छ।
हालै नेपाली बजारमा सार्वजनिक एमआई स्मार्ट ब्याण्ड सिक्समा यस सुविधाको साथ, यो स्मार्ट ब्यान्ड शाओमीको पहिलो यस्तो फिटनेस ट्र्याकर भएको छ, जसमार्फत प्रयोगकर्ताहरूले टेक्स्ट सन्देशको जवाफ दिने जस्ता सुविधाहरू प्रयोग गर्न सक्नेछन्।
यो स्मार्ट ब्याण्ड मार्चमा चीनमा लन्च गरिएको थियो भने यसै साता मात्र नेपाली बजारमा उपलब्ध भएको छ । चीनमा लन्च भएदेखि यस ब्यान्डका लागि धेरै अद्यावधिकहरू जारी भइसकेका छन्।
हालसालै, एमआई स्मार्ट ब्यान्डले यसको सुरूवातको लगत्तै अपडेटमार्फत स्लिप ब्रिदिङ्ग क्वालिटी मेजरमेन्ट फिचर प्राप्त गर्यो।
गिज्मोचाइनाको पछिल्लो रिपोर्ट अनुसार, एमआई स्मार्ट ब्यान्ड ६ को लागी पछिल्लो अपडेट कम्पनी द्वारा जारी गरिएको छ, जसको फर्मवेयर संस्करण १.०.१.३२ छ। रिपोर्टअनुसार यो अपडेट एमआई फिट भी५.१.० एममार्फत रोल आउट गरिएको छ।
अपडेट चेन्जलगका अनुसार नयाँ अपडेटले टेक्स्ट मेसेज रिप्लाई फिचरलाई ब्यान्डमा ल्याउँदछ, यद्यपि यो सुविधाले ब्यान्डमा कसरी काम गर्नेछ भनेर अहिले स्पष्ट छैन् । अन्दाज लगाइएको छ कि प्री-डिफाइंड जवाफहरू यस अपडेटमा प्रस्तुत हुनेछन्, जसलाई प्रयोगकर्ताहरूले आफ्नै प्रतिक्रियाको रूपमा प्रयोग गर्न सक्दछन्।
समाचारका अनुसार यस फिचर हाल एमआई ब्यान्ड ६ एन्ड्रोइड प्रयोगकर्ताहरूको लागि मात्र प्रस्तुत गरिएको हो।
टेक्स्ट रिप्लाई फिचरको साथसाथै, यस अपडेटमा केहि सुविधाहरू र बग फिक्सहरू समावेश गरिएको छ।
यो पनि हेर्नुस्-
शाओमीले नेपालमा मी पोर्टेबल ब्लुटुथ स्पीकर १६ डब्लु र मी स्मार्ट ब्यान्ड लन्च गर्यो
प्रकाशित: ६ जेष्ठ २०७८, बिहीबार
