गरिब अमेरिकीहरुलाई इन्टरनेट जोड्न दिईने अनुदान मे १२ देखि शुरु हुने

Technology Khabar २१ बैशाख २०७८, मंगलवार

गरिब अमेरिकीहरुलाई इन्टरनेट जोड्न दिईने अनुदान मे १२ देखि शुरु हुने
Classic Tech

कोरोनाभाइरस महामारीबाट प्रभावित अमेरिकीहरू जसले उनीहरूको ब्रोडब्यान्ड बिल भुक्तान गर्न सहयोग चाहन्छन् उनीहरुले चाँडै नै सहयोग पाउने भएका छन्। कोभिड १९ राहत प्याकेजको हिस्साको रूपमा प्रतिज्ञा गरिएको ५० डलर महिनाको ब्रोडब्यान्ड सब्सिडी डिसेम्बरमा पारित कम आय भएका व्यक्तिहरूका लागि आगामी दुई हप्तामा शुरू गरीने रिपोर्टमा उल्लेख छ ।

अमेरिकी संघीय संचार आयोगले बिहीबार बताएअनुसार घरहरूले आपतकालीन ब्रोडब्यान्ड लाभका लागि मे १२ देखि आवेदन दिन सुरु गर्न सक्नेछन्।

३.२ अर्बको आपतकालिन राहत कार्यक्रमले ब्रोडब्यान्ड सेवाको लागि भुक्तान गर्न कम आय भएका घरपरिवारलाई मासिक ५० डलरसम्म र अमेरिकी भूमिका मूल निवासीहरुलाई ७५ डलर सम्मको अनुदान प्रदान गर्दछ।

एफसीसीले एउटा कम्प्यूटर वा ट्याब्लेट खरीद गर्न १०० डलरसम्म गरीब घरपरिवारलाई एक पटकको लागि छुट पनि प्रदान गर्दछ ।

अमेरिकि कंग्रेसले पैसा गरीबीको रेखामा रहेको परिवार वा यस भन्दा माथि १३५ प्रतिशत, नि:शुल्क र कम स्कूल लन्चको लागि योग्य हुनेहरू वा फेब्रुअरी २९,२०२० पछि आयको ठूलो हानी अनुभव गर्ने मानिसहरूलाई उपलब्ध हुने बताएको छ।

“देशका सबै कुनाका परिवारहरू यस महामारीको समयमा अनलाइन प्राप्त गर्न संघर्ष गरिरहेका छन् । ती परिवारका लागि अब हामी सहयोगी रहेको बताउँछौं,” कार्यवाहक एफसीसी अध्यक्ष जेसिका रोजेनवेरसेलले एक विज्ञप्तिमा भनिन् ।

यस योजनाले अमेरिकामा रहेको डिजिटल डिभाइसलाई कम गर्न सहयोग गर्ने अपेक्षा गरिएको छ । एजेन्सीका साथ

TK Viber

प्रकाशित: २१ बैशाख २०७८, मंगलवार

Loading...