Technology Khabar ५ पुष २०७७, आईतवार
काठमाडौं ।
स्मार्टफोन ब्राण्ड पोको अब ल्यापटप बजारमा प्रवेश गर्ने भएको छ । कम्पनीले पहिलो पटक ल्यापटप भारतीय बजारमा सार्वजनिक गर्ने भएको छ ।
पोकोको नयाँ ल्यापटप ब्याट्री (मोडल नं. आर१५बी०२डब्लू, आर१४बी०२डब्लू) ले भारतीय बीआइएस सर्टिफिकेट प्राप्त गरेको छ । यो ब्याट्री मोडल पोको ब्राण्डमा मार्क छ । भारतीय मिडिया रिर्पोटका अनुसार भारतमा छिट्टै पोको नयाँ ल्यापटप सार्वजनिक हुनेछ ।
शाओमीबाट छुटिएपछि पोको बाण्डले यो वर्ष कयौं डिभाइस सार्वजनिक गरिसकेको छ । ती सबै डिभाइस स्मार्टफोन हुन् । हाल कम्पनीले विभिन्न इलेक्ट्रिोनिक्स डिभाइसमा काम गरिरहेको छ ।
केहि समय अघि कम्पनीले पोको पोप बर्डस टीडब्लूएस एअरवड्सको टिजर जारी गरेको थियो । तर हालसम्म यो डिभाइस सार्वजनिक भने गरिएको छैन ।
जानकारीका अनुसार पोकोले आफ्नो पोर्टफोलियोको विस्तार सन् २०२१ बाट गर्नेछ । भारतमा शाओमीका ल्यापटप पहिलेदेखि उपलब्ध छ ।
शाओमीले सन् २०२० को जुनमा एमआई नोटबुक १४ सिरिज सार्वजनिक गरेको थियो । भारतीय बजारमा यो ल्यापटको सूरुवाती मूल्य ४१ हजार ९९९ भारु (करिब ६७ हजार १९८ रुपैयाँ) तोकिएको छ।
प्रकाशित: ५ पुष २०७७, आईतवार
