Technology Khabar २३ मंसिर २०७७, मंगलवार
काठमाडौं ।
सोशल मिडिया जायन्ट फेसबुकले हालै सन् २०२० को वर्ष समीक्षा गरेको छ। जसमा कम्पनीले आफ्नो प्लेटफर्ममा भएका विशेष कुराहरुको बारेमा उल्लेख गरेको छ ।
सामाजिक मिडिया कम्पनी फेसबुकले हालै २०२० ईयर इन रिभ्यू जारी गर्यो। कम्पनीले हरेक बर्षको अन्त्यमा केहि फेसबुक तथ्यांकहरू जारी गर्दछ। यो मुख्यतया फेसबुकमा व्यक्तिद्वारा चर्चा गरिएका लोकप्रिय मुद्दाहरुको बारेमा उल्लेख हुने गर्दछ।
फेसबुकले २०२० को शीर्ष मोमेन्टलाई ६ वटा विषयहरूमा विभाजित गरेको छ। कम्पनीका अनुसार, सन् २०२० सँधै स्मरणमा हुनेछ किनकि यस बर्षले सबैलाई परिवर्तन गरेको छ।
फेसबुकले २०२० को शीर्ष क्षणहरूलाई यी छ वटा थिम वा कोटीहरूमा विभाजित गरेको छ।
आईकन्स
२०२० मा संसारमा कहिल्यै अन्त्य नहुने विरासत छोडेका व्यक्तिलाई सम्मान दिन फेसबुकमा मानिसहरु आए। त्यसलाई फेसबुकले आइकन्सको रुपमा सार्वजनिक गरेको छ ।
कोबे ब्रायन्टः फेसबुकका अनुसार उनको बारेमा यस प्लेटफर्ममा धेरै छलफल भएका थिए। अधिकतर पोष्टहरू उसको जीवनलाई मनाउनको लागि बनाइएको थियो। अमेरिकी बास्केटबलका चर्चित खेलाडी कोबेको हेलिकस्टर दुर्घटनामा मृत्यु भएको थियो ।
सामाजिक जागरणः अमेरिकी अस्वेत जर्ज फ्लोयडको मृत्यु पछि, अमेरिकामा एउटा ठूलो खलबली मच्चियो। ब्ल्याक लाइफ म्याटर्सको ह्यासट्याग सुरू भयो र फेसबुककाअनुसार यसमा दैनिक ७ करोड ५० लाख ब्ल्याक लाइफ म्याटर्सको ह्याशट्यागमा हरेक दिन छलफल भएको थियो ।
कोभिड १९
कोरोनाभाइरस महामारीले यस बर्ष विश्व पिरोलिएको छ। १५लाख भन्दा बढी स्पेनियाहरूले मार्चमा यस मुद्दामा मेडिकल स्टाफलाई सम्मान गर्न एक ह्यासट्याग सुरू गरे।
इटाली लकडाउनको बेला फेसबुक र इन्स्टाग्राम लाइभको संख्या दोब्बर भयो। मानिसहरूले क्वारेन्टाइनको बेला बाल्कनीबाट प्रत्यक्ष भिडियोहरू बनाइरहेका थिए। यसैबीच, अमेरिकामा फेसबुक लाइभको दर्शकमा ५० प्रतिशत वृद्धि देखियो।
विश्व राजनीति
यस वर्षको अगस्टमा अमेरिकी उप राष्ट्रपति पदका उम्मेद्वार कमला ह्यारिसले विश्व राजनीतिमा सबैभन्दा बढी उल्लेख गरिएकी थिईन्। कमला ह्यारिसको बारेमा एक दिनमा लगभग १ करोड पोष्ट गरियो।
फेसबुकका अनुसार अमेरिकाका प्राय सबै वयस्कहरूले फेसबुक र इन्स्टाग्राममा मतदान सम्बन्धी जानकारी प्राप्त गरेका छन्।
वातावरणीय कारण
फेसबुकका अनुसार विश्वव्यापी फेसबुकको सबैभन्दा ठूलो कोष संकलनकर्तामा विश्वका करीव १३ लाख मानिस सहभागी भए र ३ करोड ५० लाख डलर उठाए। यो कोष अष्ट्रेलियाको जंगलमा लागेको आगोबाट प्रभावित व्यक्ति र जनावरहरूलाई दिइयो।
जलवायु परिवर्तनसँग लड्न र समुद्री सफा गर्न २६ लाख भन्दा बढी मानिसहरूले ८७ मिलियन डलर कोष जुटाएका थिए।
यी सबै बाहेक, फेथ र कम्युनिटी र टप पप कल्चर मोमेंटस पनि यस २०२० बर्षको फेसबुक समीक्षामा समावेश छन्।
पप संस्कृतिका क्षणहरूको बारेमा कुरा गर्दा यहाँ शीर्ष १० को सूचीमा समावेश भएका गीत संगीतहरु राखिएको छ।
प्रकाशित: २३ मंसिर २०७७, मंगलवार
