प्राधिकरणले तयार पार्यो दूरसञ्चार ऐनको मस्यौदा, तिहारपछि छलफल गराउने मन्त्रालयको योजना

Technology Khabar २७ आश्विन २०७७, मंगलवार

प्राधिकरणले तयार पार्यो दूरसञ्चार ऐनको मस्यौदा, तिहारपछि छलफल गराउने  मन्त्रालयको योजना

नेपाल दूरसञ्चार प्राधिकरणले नयाँ दूरसञ्चार ऐनको मस्यौदा सञ्चार तथा सूचना प्रविधि मन्त्रालयमा पेश गरेको छ । प्राधिकरणले तयार पारेको मस्यौदा बोर्डबाट पारित गरि मन्त्रालयमा पेश गरेको हो ।

हाल लागू रहेको दूरसञ्चार ऐन २०५३ लाई प्रतिस्थापन गर्नेगरि ल्याउन लागिएको नयाँ ऐनको सो मस्यौदाले अहिलेको अवस्थाअनुसार दूरसञ्चार क्षेत्रलाई नियमन गर्ने बताईएको छ ।

मन्त्रालयका सचिव हरि प्रसाद बस्यालले सो मस्यौदा हाल प्रारम्भिक छलफलमा नै रहेको र त्यसले कुनै ठोस आकार नलिएको बताए ।

‘अहिले मन्त्रालय अन्तरगत नै प्रारम्भिक मस्यौदा आएको हो । त्यसमा सरोकारबालाहरुसहितलाई राखेर बृहत छलफल गराउनुपर्छ, अहिले यो संभव छैन र तिहारपछि गर्ने योजनामा छ,’ सचिव बस्यालले भने ।

उनकाअनुसार सरोकारबालाहरुको वृहत छलफलपछि आउने सुझाबहरुपछि मात्र त्यसलाई अन्तिम रुप दिईनेछ । यसअघिका छलफलहरु सरोकारबालाहरुसँग पर्याप्त नगरिएको भन्दै त्यसमा पुन नयाँ किसिमले छलफल गरिने उनले बताए ।

मन्त्रालयमा बुझाएको मस्यौदामा दूरसञ्चार सोवको फ्रिक्वेन्सी अक्सन, प्रविधि तटस्थताको विषय, दूरसञ्चार विकास कोष, स्याटेलाइटको स्थापना, संचालन र उपयोग लगायतका विषयहरु समेटिएका छन् ।

प्रकाशित: २७ आश्विन २०७७, मंगलवार

Comments are closed.

Loading...