अनलाइन गेम फोर्टनाइटको नयाँ सिजन अब एप्पलका डिभाइसहरुमा अपडेट नहुने

काठमाडौं ।

एप्पलका डिभाइसहरुमा एपिक गेम्सको चर्चित अनलाइन गेम फोर्टनाइट खेल्नेहरुलाई दुखी बनाउने समाचार आएको छ ।

अब एप्पल म्याक, आईफोन र आईप्याडमा फोर्टनाइट खेल्ने व्यक्तिहरू खेलको पछिल्लो अपडेटबाट बहिष्कृत हुनुपर्ने भएको छ।

यी दुई कम्पनीहरु बीच हप्तौं लामो बढ्दो विवाद र कानूनी कारबाही चलिरहेको छ, जून फोर्टनाइटलाई एप्पलको एप स्टोरबाट तानिएसँगै शुरु भएको थियो।

म्याक कम्प्युटरहरू, जसले एप स्टोर प्रयोग गर्दैनन् ती पनि अब प्रभावित भएका छन्।

‘एप्पलले एप्प स्टोरमा फोर्टनाइट अपडेट र नयाँ इन्स्टलहरू रोकिरहेको छ, र उनीहरूले एप्पल उपकरणहरूको लागि फोर्टनाइट विकास गर्ने हाम्रो क्षमता समाप्त गर्ने बताएका छन्। नतिजाको रूपमा, फोर्टनाइटको भर्खरै जारी गरिएको च्याप्टर २ – सीजन अपडेट  भर्नस १४.००, आईओएस र म्याकोसमा अगस्त २७ मा रिलीज हुँदैन्’ कम्पनीले विज्ञप्तिमार्फत भनेको छ ।

फोर्टनाइटको नयाँ अद्यावधिकले प्राय खेलमा व्यापक परिवर्तन गर्दछ र अन्य चीजहरूको बीचमा बिहीबारको अपडेट मार्वल कमिक्स सुपर हीरोहरुसँग साझेदारी गरेको छ।

नयाँ सत्र सुरु हुने भोलिपल्ट २८ अगस्टमा एपिक गेम्सका प्रमुख कार्यकारी टिम स्वीनीले एप्पलको डेभलपर टूल्समा पहुँच रोक्ने योजना रहेको आरोप लगाए।

‘एप्पलले भनेका छन कि उनीहरूले शुक्रबार एपिकको एप्पल एसडीके (सफ्टवेयर विकास किट) को खेल विकासका लागि रोक लगाउँछन्,’ उनले भने ।

यदि त्यसो भएमा फोर्टनाइट म्याकमा अपडेट हुनेछैन् । एजेन्सीका साथ