Technology Khabar २२ बैशाख २०७७, सोमबार
काठमाडौं ।
छिमेकी भारतमा कोरोनाभाइरसको महामारीसँगै आगामी मे १७ तारिखसम्म लकडाउन बढाईएको छ । लकडाउन बढाएसँगै भारतीय सरकारले विभिन्न स्थानहरुलाई तीन भागमा वर्गिकरण गरेको छ ।
जसअनुसार ई-कमर्श कम्पनीहरुले ईलेक्ट्रोनिक्स सामाग्रीहरु बिक्री गर्न पाउनेछन्।
ई-कमर्श कम्पनीहरुले मे ४ तारिखदेखि अरेन्ज र ग्रीन जोनमा ल्यापटप, मोबाइल फोन, रेफ्रिजेरेटरलगायतका सामाग्रीहरु बिक्री गर्न सक्ने अनुमति दिईएको छ । यो अनुमतिसँगै भारका लाखौं साना र मध्यम स्तरका व्यवसायीहरुले पुन कारोबार गर्नसक्ने बताईएको छ ।
नयाँ नियमअनुसार रेड जोनमा भने ईकमर्श कम्पनीहरुले अत्यावश्यक बाहेकका सामाग्रीहरु बेच्नलाई रोक लगाईएको छ ।
दिल्ली, मुम्बईलगायत सबै प्रमुख शहरहरु रेड जोनमा समावेश गरिएका छन् । जहाँ कुनैपनि ई-कमर्श कम्पनीहरुले अत्यावश्यक सामाग्रीहरु बाहेक अन्य सामान बेच्न रोक लगाईएको छ ।
यसबारेमा अमेजन इण्डिया, फ्लिपकार्ट, स्न्यापडिललगायत ई-कमर्श कम्पनीहरुले सो अनुमतिलाई स्वागत गरेका छन् ।
यो निर्णयसँगै ग्राहकहरुले एयर कन्डिसनर, फ्रिज, गर्मीका कपडाहरु लगायतका सामाग्री किन्न पाउने बताईएको छ । एजेन्सी
प्रकाशित: २२ बैशाख २०७७, सोमबार