Technology Khabar १५ फाल्गुन २०७६, बिहीबार
काठमाडौं ।
काठमाडौं । चीनबाट शुरु भएको कोरोनाभाइरसको असर अर्को देश दक्षिण कोरियामा पनि देखिन थालेको छ । दक्षिण कोरियाको सबैभन्दा ठूलो टेलिकम अपरेटर एसके टेलिकमले हालै आफ्नो सियोलस्थित मुख्यालय नै बन्द गरेको छ ।
एसके टेलिकमले आफ्नो एक कर्मचारीमा कोरोनाभाइरसको परीक्षणमा प्रभावित भएको भेटिएपछि कम्पनीले आफ्नो हेडअफिस नै बन्द गरेको हो ।
कोरियाको सबैभन्दा ठूलो मोबाइल क्यारियरले आगामी शुक्रबारसम्म आफ्नो कार्यालय परिसरलाई संक्रमणमुक्त बनाउने छ । कम्पनीले यसको लागि कोरियाको हेल्थ एण्ड वेलफेयर्स मन्त्रालयको निर्देशन पालना गर्नेछ ।
कम्पनीका प्रवक्ताकाअनुसार सो अवधिसम्म कर्मचारीहरुले भने घरबाट नै कामगर्नेछन् ।
एसके टेलिकमको मुख्यालय १४ तल्ले भवनमा छ भने केहि सिमित संख्याका कर्मचारीहरु जसले वैदेशिक नेटवर्क अपरेसनहरु हेर्दछन तिनीहरु भने मुख्यालयबाटै काम गरिरहेका छन् । सो टेलिकम कम्पनीसँग करिब ५ हजार कर्मचारीहरु रहेका छन् ।
यसअघि एलजी इलेक्ट्रोनिक्सको इन्चेनमा रहेको अनुसन्धान स्थललाई समेत बन्द गरिएको थियो भने सामसङ इलेक्ट्रोनिक्सले गुमीमा रहेको आफ्नो ह्याण्डसेट उत्पादनस्थललाई बन्द गरेको थियो । एजेन्सी
प्रकाशित: १५ फाल्गुन २०७६, बिहीबार
