शाओमी भारतमा ल्यापटप लन्च गर्ने तयारीमा, रेडमी बुक ब्राण्डको ट्रेडमार्क दर्ता

काठमाडौं ।

काठमाडौं । शाओमीले भारतीय मार्केटमा रेडमी बुक ब्राण्डका लागि ट्रेडमार्क रजिस्टर गरेको छ । यसले शाओमी भारतीय बजारमा नयाँ ल्यापटप सार्वजनिक गर्ने इसारा दिएको बुझिन्छ । अहिलेसम्म कम्पनीले चिनियाँ बजारमा एमआई र रेडमीबुकका ल्यापटप सार्वजनिक गर्दै आएको छ ।

तर इन्टेलेक्चुअल प्रोपटी इन्डियाको वेबसाइटमा कम्पनीलाई रजिस्टर गरेअनुसार भारतीय बजारमा शाओमी चाँडै नै रेडमी बुक सिरीजको ल्यापटप सार्वजनिक गर्दैछ ।

स्मरण रहोस इन्टेलेक्चुअल प्रोपटी इन्डियाको जिम्मेदारी प्याटेन्टमा हो र यो वाणिज्य मन्त्रालय मातहत रहेर काम गर्दछ । ट्रेडमार्क लिस्टिङ अनुसार कम्पनीले गत साल अप्रिल महिनामा यसको आवेदन दिएको थियो र यसको म्याद २०२९ सम्म रहेको छ ।

रेडमी बुक ब्राण्ड कम्पनीको रेडमी सब ब्राण्डको हिस्सा हो । ल्यापटप, राउटर र अडियो प्रोडक्ट ल्याउनु पहिले रेडमीलाई किफायती स्मार्टफोन सार्वजनिक गर्ने शाओमीअन्तरगतको रुपमा चिनिन्थ्यो ।

यसब्राण्डको ल्यापटपलाई पनि किफायति मानिन्छ र यो चिनियाँ मार्केटमा यसअघिदेखि नै उपलब्ध छ । रेडमीबुक ब्राण्डलाई ट्रेडमार्क रजिस्टर गरेबाट यो स्पष्ट छ की शाओमी भारतीय बजारमा नयाँ ल्यापटप लन्च गर्दैछ । तर कहिले ? यसबारे कम्पनीले केहि बोलेको छैन ।

चिनियाँ टेक कम्पनीले गएको वर्ष घरेलु बजारमा रेडमी बुक १३ लन्च गरेको थियो । यसका साथै रेडमी के३० स्मार्टफोनबाट पनि सार्वजनिक गरेको थियो । नयाँ रेडमीबुक १०औ जेनेरेशन इन्टेल प्रोसेसर, १३.३ इन्चको फुल एचडी एन्टि ग्लेसर डिस्प्ले, ८९ प्रतिशत स्क्रिन सेपर्स र सिङ्गल चार्जमा ११ घण्टा ब्याट्री ब्याकअपको साथ पाइन्छ । रेडमी १३ को मुल्य ४,१९९ चिनियाँ युआनबाट सुरु हुन्छ । यसमा इन्टेल कोर आई५ सँगै ८ जीबी र्याम र ५१२ जीबी स्टोरेज पाइनेछ । एजेन्सी