Technology Khabar १० मंसिर २०७६, मंगलवार
काठमाडौं ।
काठमाडौं । साइबर सेक्यूरिटी रिसर्च कम्पनी चेक प्वाइन्टको हालै सार्वजनिक रिपोर्टअनुसार निकै लोकप्रिय एन्ड्रोयड एपहरु पनि जोखिमयुक्त भेटिएका छन् ।
हालै जारी चेक प्वाइन्टको अनुसन्धान नाम चलेका र निकै डाउनलोड भएका एप्सपनि जोखिमयुक्त भेटिएका हुन् । यस्ता एन्ड्रोयड एप्समा फेसबुक, इन्स्टाग्रामदेखि याहुका विभिन्न एप्सछन् । ती एप्सहरुमा पुराना कोडहरु रहेको र यस्ता कोडहरुमार्फत ह्याकरहरुले आक्रमण गर्नसक्ने जोखिम रहेको छ ।
साइबर सेक्यूरिटी कम्पनीले त्यस्ता जोखिमयुक्त दर्जनौं एप्स भेटेको छ जसमा भएका कोडका प्रोग्राम ल्यांगवेज पुराना र अपडेट नभएका छन् ।
ओपन सोर्समा आधारित त्यस्ता कम्पोनेन्टहरु जसलाई न्याटिभ लाइब्रेरी भनिन्छ र ती ओपन सोर्स प्रोजेक्ट अन्तरगत उपलब्ध भएका छन् ।
जब ओपन सोर्स प्रोजेक्टमा जोखिमहरु भेटिन्छन र फिक्स्ड गरिन्छन्, त्यस्ता न्याटिभ लाइब्रेरीहरुमा सामान्यतया मेन्टेनकर्ताहरुसँग कुनै नियन्त्रण गर्न सक्दैनन् । जसले गर्दा जोखिमहरु बढ्दछ्, चेक प्वाइन्टले भनेको छ ।
अनुसन्धान संस्थाले यस्तो जोखिमहरु सन् २०१४ देखि नै निरन्तर भएको बताएको छ । जसमा गूगल प्लेमा एप डेभलपरहरुले लेटेस्ट भर्सन पब्लिस गर्दछन्, उनीहरुले आफ्नो लोकप्रिय भर्सनका कम्पोनेन्टहरुमा हेलचेक्र्याईँ गर्दछन् ।
फेसबुक, इन्स्टाग्राम, याहू ब्राउजर, वीच्याटलगायत सयौं लोकप्रिय एन्ड्रोयड एप्समा तीन किसिमका जोखिमहरु रिसर्च संस्थाले पत्ता लगाएको थियो ।
चेक प्वाइन्टले पत्ता लगाएका यी १९ वटा लोकप्रिय एप्सहरु निकै जोखिमयुक्त रहेका छन्-
यी हुन जोखिमयुक्त लोकप्रिय एन्ड्रोयड एप
कम्पनीले फेसबुकलाई इन्स्टाग्राममा भएको जोखिमको बारेमा जानकारी दिएको र कम्पनीले त्यसको लागि सेक्यूरिटी प्याच राखिसकेको जानकारी दिएको छ ।
प्रकाशित: १० मंसिर २०७६, मंगलवार
