मोबाइल गेम कल अफ ड्यूटीः मोबाइल एक महिनामा नै १४ करोड पटक डाउनलोड

Technology Khabar २८ कार्तिक २०७६, बिहीबार

मोबाइल गेम कल अफ ड्यूटीः मोबाइल एक महिनामा नै १४ करोड पटक डाउनलोड
Classic Tech

काठमाडौं । मोबाइल गेमिंग एप कल अफ ड्यूटीः मोबाइलले पहिलो महिनामा नै १४ करोड ८० लाख डाउनलोड पार गरेकोछ । निकै चर्चाका साथ सार्वजनिक भएको मोबाइल भर्सनले यूजर्सबाट निकै राम्रो प्रतिक्रिया प्राप्त गरेको हो ।

कल अफड्यूटीः मोबाइलको यो डाउनलोड संख्या यसअघिको पबजी मोबाइल र फोर्टनाइटको डाउनलोड जोड्दा हुने संख्या भन्दा पनि अधिक हो ।

सेन्सर टावरको डाटा रिपोर्टअनुसार कल अफ ड्यूटीः मोबाइल पहिलो महिना डाउनलोड रेकर्डमा पोकेमन गो भन्दा पछाडि रहँदै दोस्रो नम्बरमा रहेको छ ।

यसअघि पबजी मोबाइलले आफ्नो पहिलो महिना ६ करोड ७ हजार डाउनलोड हासिल गरेको थियो भने फोर्टनाइटले ३ करोड ५० लाख भन्दा बढि डाउनलोड हासिल गरेको थियो ।

लन्चको केवल पहिलो महिनामा नै कल अफ ड्यूटीले ५ करोड २९ लाख डलर आम्दानी गरेको छ । जसमध्ये सबैभन्दा धेरै आम्दानी अमेरिकाबाट २ करोड २८ लाख डलर हासिल गरेको छ भने जापान दोस्रो स्थानमा छ ।

फोर्टनाइटले भने पहिलो महिनामा २ करोड ७१ लाख डलर आम्दानी गरेको थियो भने पबजीले ३५ लाख डलर आम्दानी गरेको थियो ।
कल अफ ड्यूटीले पहिलो साता नै १०० मिलियन डाउनलोड हासिल गरेर यसअघि नै रेकर्ड कायम गरिसकेको छ ।

नेपाललगायत देशहरुमा निकै लोकप्रिय रहेको पबजी मोबाइललाई पछिल्लो दिनमा कल अफ ड्यूटीः मोबाइलले कडा प्रतिस्पर्धा दिईरहेको छ ।

TK Viber

प्रकाशित: २८ कार्तिक २०७६, बिहीबार

Loading...