Technology Khabar १४ मंसिर २०७५, शुक्रबार
काठमाडौं ।
काठमाडौं । नेपाल दूरसंचार प्राधिकरणले आफ्नो कार्यालय प्रायोजनका लागि नयाँ भवन भाडामा लिने भएको छ । प्राधिकरणले सिंहदरबारको आसपास ३ किलोमिटरभित्रका क्षेत्रमा उपयुक्त कार्यालय भवनको आवश्यकता रहेको बताएको छ ।
प्राधिकरणले सार्वजनिक सूचना प्रकाशित गर्दै नयाँ बानेश्वर, कुपण्डोल, थापाथली, त्रिपुरेश्वर, बबरमहल, अनामनगर, पुतलिसडक, कमलादी, नक्साल, भाटभटेनी, लैनचौर, लाजिम्पाट, कालिकास्थान र डिल्लीबजार आसपासका क्षेत्रहरुमा घर चाहिएको जानकारी दिएको छ ।
यसका लागि प्राधिकरणले शुक्रबारदेखि १५ दिनभित्रमा प्राधिकरणको कार्यालयमा आफुले दिन चाहेको भवनको क्षेत्रफल र कोठा संख्या र आफुले भाडामा दिन चाहेको दर रेट उल्लेख गरि सम्बन्धित घर जग्गाको सम्पूर्ण कागजात संलग्न गरी सिलवन्दी कोटेशन पेश गर्न आह्वान गरेको छ ।
प्राधिकरणले घर वा बिजनेस कम्प्लेक्स दुबैको छुट्टाछुट्टै स्पेशिफिकसन तयार पारेर घर भाडामा लिने सूचना गरेको छ ।
प्रकाशित: १४ मंसिर २०७५, शुक्रबार