Technology Khabar २९ कार्तिक २०७५, बिहीबार
काठमाडौं ।
काठमाडौं । अमेरिकाको फेडेरल कम्यूनिकेसन्स कमिसनले पहिलो पटक उच्च तहको ब्याण्ड फाइभ जी (5G) स्पेक्ट्रमको लागि बोलकबोल टेण्डर (auction) गर्ने भएको छ ।
फाइभ जीको बिडिङ २८ गीगाहर्ज ब्याण्डबाट शुरु भएर २४ गीगाहर्ज ब्याण्डसम्म जानेछ । जसमा कुल १.५५ गीगाहर्जको स्पेक्ट्रम अपरेटरहरुका लागि उपलब्ध छ । यी संभवत विश्वमा नै पहिलो पटक व्यवसायीक प्रयोगमा आउने फाइज जी मोबाइल सेवाहरुको लागि प्रयोग हुने अपेक्षा गरिएको छ, जून यसअघि नै अमेरिकाको सबैभन्दा ठूलो मोबाइल अपरेटर भर्जिनले परिक्षण गरिसकेको छ ।
अमेरिकी नियमनकारी निकाय फेडेरल कम्यूनिकेसन्स कमिसन (Federal Communications Commission) ले यसअघि नै उच्च तहको स्पेक्ट्रमको अक्सन सन् २०१९ का लागि गरेको सुनिश्चित गरिसकेको छ । जसमा ३७ गीगाहर्ज, ३९ गीगाहर्ज र ४७ गीगाहर्जमा माइक्रोवेब ब्याण्ड हुनेछन् । कुल मिलाएर एफसिसिले आगामी १५ महिनाभित्र करिब ५ गीगाहर्ज स्पेक्ट्रम उपलब्ध गराउने अपेक्षा गरेको छ, जून हाल मोबाइल अपरेटरहरुले प्रयोग गरिरहेको भन्दा निकै धेरै भएको बताईएको छ ।
२८ गीगाहर्ज ब्याण्डमा लाइसेन्सको बोलकबोलका लागि पटक पटक अक्सनको फम्र्याट पुरा गरेपछि मात्र प्राप्त हुनेछ । देशभरी नै २८ गीगाहर्ज लाइसेन्सका लागि दुईवटा ४२५ मेगाहर्ज ब्लक छ्ट्याईएको छ ।
त्यस्तै २४ गीगाहर्ज ब्याण्डको अक्सनका लागि ‘क्लक अक्सन’ फम्र्याट लागू गरिने बताईएको छ । क्लक अक्सन भन्नाले समयानुसार उच्च रकमको कबोलबाट शुरु हुन्छ र अन्त्यमा न्यूनतम कबोल गर्ने वा आधार मूल्यमा बिक्री गरिन्छ । जसमा प्रत्येक ब्लकका लागि छुट्टाछुट्टै रकम बोलकबोल गराईने छ ।
त्यसपछि मात्र जेनेरिक ब्लकको बिजेताहरुलाई फ्रिक्वेन्सी स्पेशिफिक लाइसेन्स असाइनमेन्टका लागि अनुमति दिईनेछ । २४ गीगाहर्ज लाइसेन्स १०० मेगाहर्जको सातवटा ब्लकहरुमा लागू गरिनेछ ।
प्रकाशित: २९ कार्तिक २०७५, बिहीबार
