Technology Khabar १६ आश्विन २०७५, मंगलवार
काठमाडौं ।
काठमाडौं । ओपोले नेपाली बजारमा एफनाइन अन्तर्गत नयाँ उत्पादन आकर्षक स्टारी पर्पल रंगमा सार्वजनिक गरेको छ ।
५ मिनेट चार्ज गर्दा २ घण्टाको टक टाइम दिने भोक फ्ल्याश चार्ज र उद्योगकै पहिलो ग्राडियण्ट कलर डिजाइन सुसज्जित एफनाइन स्टारी पर्पलको डिजाइन प्रयोगकर्तालाई पृथक अनुभव प्रदान गर्नुका साथै ओपोको प्राविधिक समृद्धि र नवप्रबर्तनात्मक विशेषज्ञताको प्रतिबिम्ब दिने सोचका साथ गरिएको छ ।
४१ हजार ५सय ९० रुपैयाँ मूल्य निर्धारण गरिएको ओपो एफनाइन असोज १६ गतेदेखि देशभर रहेका अफलाइन स्टोर्स मार्फत उपलब्ध हुने कम्पनीले जानकारी दिएको छ ।
स्मार्टफोनमा ६.३ ईञ्च वाटरड्रप स्क्रिन डिजाइन, ९०.८% उच्च स्क्रिन टू बडी रेसियो, पृथक ग्राडियण्ट कलर डिजाइन छ भने ३५०० एमएएच ब्याट्री सहितको एफनाइनले उत्कृष्ट सेल्फी फञ्शनका साथै आनन्ददायी अनुभव, फास्ट चार्जिङ र लामो समयसम्म टिक्ने ब्याट्रीको सुविधापनि प्रदान गर्ने कम्पनीको दाबी छ ।
एफनाइनमा ओपोले स्वतन्त्ररुपमा विकास गरेको भोक फ्ल्याश चार्ज सुविधा उपलब्ध गरिएको छ । यो प्रविधिले न्यून भोल्टेज चार्जिङ प्रविधिको उपयोग गर्दै साधारण ५भी/१ए चार्जिङका तुलनामा ४ गूणा तिब्र चार्जिङ गति प्रदान गर्छ ।
भोकले एडेप्टरदेखि पोर्टहुँदै फोनको आन्तरिक भाग सम्म पुग्दा विशेष ५ तहको सुरक्षा प्रणालीको अवलम्बन गर्छ । भोकमा भोल्टेज रिड्युसिङ सर्किटको स्थानमा एमसीयूको प्रयोग गरिएको कम्पनीले जनाएको छ ।
प्रकाशित: १६ आश्विन २०७५, मंगलवार