Technology Khabar ११ आश्विन २०७५, बिहीबार
काठमाडौं ।
काठमाडौँ । भारतले आगामी ४ वर्षभित्र दुरसंचार क्षेत्रमा १०० अर्ब डलर लगानी आकर्षित गर्नेगरि नयाँ दूरसंचार नीति पारित गरेको छ ।
भारतको केन्द्र सरकारले बुधबार राष्ट्रिय डिजिटल संचार नीति(एनडीसीपी) २०१८ पारित गर्दै सन् २०२२ समम १०० अर्ब डलर लगानीका साथै ४० लाख नयाँ रोजगारी सिर्जनाको अवसर हुने बताएको छ ।
नयाँ नीतिमा प्रत्येक भारतीय नागरिकलाई छ वर्षमा ५० एमबीपीएस ब्रोडब्याण्ड कनेक्टिभिटी उपलब्ध गराउने उल्लेख छ ।
भारतीय दूरसंचार मन्त्री मनोज सिन्हाले गएको तीन सालमा दूरसंचार क्षेत्रमा प्रत्यक्ष विदेशी लगानी पाँच गुणाले बढेर ६.२ अर्ब डलर भएको जानकारी दिए ।
उनले विशेषगरि ५जी, इन्टरनेट अफ थिंग्स र मशीन टु मशीन लर्निंग आदि क्षेत्रमा तिब्र प्रगति भईरहेको हुँदा यो समय उपभोक्ताहरुमा केन्द्रित एप्लिकेशन नीति ल्याउनुपर्ने जरुरी रहेको बताए ।
प्रकाशित: ११ आश्विन २०७५, बिहीबार
