सामसुंग ग्यालेक्सी एस सेभेन प्लसको थ्रीडि भिडियो लीक, एसडी कार्ड नभएको खुलासा

काठमाडौं ।

काठमाडौं, २५ मंसिर । सामसुंगको नयाँ फ्ल्यागशिप स्मार्टफोन ग्यालेक्सी एस सेभेन (Galaxy S7) को बारेमा विभिन्न जानकारी बजारमा आई नै रहेको छ । केहि दिनअघिमात्र सामसुंगको ग्यालेक्सी एस सेभेनको बाहिरी आवरणको बारेमा जानकारीहरु चुहिएको थियो ।

अहिले सामसुंगको नयाँ स्मार्टफोन ग्यालेक्सी एस सेभेन (Galaxy S7) र सेभेन प्लसको (Galaxy S7 Plus) बारेमा बनाईएको थ्रीडि भिडियो (3D Video) सार्वजनिक भएको छ । सामसुंगले ५.१ इन्च स्क्रीन भएको ग्यालेक्सी एस सेभेन र ६ इन्च स्क्रीन भएको एस सेभेन प्लस ल्याउँदै छ । सोहि स्मार्टफोनहरुको बारेमा मोबाइल फोनहरुको जानकारी ‘लीक’ गर्ने अनलीक्स (OnLeaks) तथा यूस्वीच (uSwitch) ले फोनको डिजाइनसहितको नयाँ थ्रीडि भिडियो ‘लीक’ गरेको छ ।

सार्वजनिक भएको थ्रीडि मोडल भिडियोअनुसार यो फोन ग्यालेक्सी एस सिक्सजस्तै देखिन्छ । फोनको कुना अधिक मोडिएको छ भने फोनको अगाडि र पछाडिको भागमा २.५ डी (2.5D) ग्लासले अझ आकर्षक देखिएको छ ।

तर यो स्मार्टफोनमा कुनै माइक्रो एसडी कार्ड नरहेको देखिन्छ भने सिम स्लट मात्र राखिएको देखिन्छ । त्यसैगरी यसमा कुनै टाइप सी यूएसबी पनि छैन् । यदि लीक भएको भिडियो सहि हो भने यसमा स्ट्याण्डर्ड माइक्रो एसडी कार्डको बाहिरी आवरण मात्र रहेको छ ।

तर पहिले अनुमान गरिएभन्दा फरक माइक्रो यूएसबी ३.० (Micro USB 3.0) अझै पनि सामसुंगको दिमागका लागि नयाँ नै हो ।

जे भएपनि भिडियोमा सामसुंग ग्यालेक्सी एस सेभेन प्लसलाई देखाईएको, जसको नाप १६३.३२X८२.०१X७.८२ मिलिमीटर तथा क्यामराको भाग समेत जोड्ने हो भने यो स्मार्टफोन ९.०५ मिलिमीटर मोटाईको रहेको छ ।

यो स्मार्टफोनको होम बटन अवथा फींगरप्रिन्ट रिडरलाई केहि फराकिलो पारिएपनि साँधुरिएको छ । ग्यालेक्सी एस सिक्समा (Galaxy S6) होम बटनको साइज १६X६.७ मिलिमटिर थियो भने एस सेभेनमा १८X५ मिलिमिटर बनाईएको छ । यसको फ्रन्ट फेसिंग क्यामरा पुरै दायाँ भागतिर सारिएको छ ।

सामसुंगको ग्यालेक्सी एस सेभेन ड्यूओ संभवत मोबाइल वल्र्ड कंग्रेसभन्दा केहि साता अगाडि आगामी सन् २०१६ को फ्रेब्रुअरी २१ तारिखमा सार्वजनिक हुनेछ । यो स्मार्टफोनमा क्वालकमको स्न्यापड्रयागन चीपसेटको पुनरागमन हुनेछ भने ठूलो किसिमको ब्राइटसेल क्यामरा राखिनेछ ।

त्यसैगरी यसमा एप्पलको जस्तै थ्रीडि टच पनि हुने अनुमान गरीएको छ ।

यो पनि हेर्नुहोस्-

सामसुंग ग्यालेक्सी एस सेभेन र सेभेन प्लसको बाहिरी आवरणको तस्वीर लीक