Technology Khabar २१ आश्विन २०७९, शुक्रबार
काठमाडौं ।
गुगलले अमेरिकी राज्य एरिजोनालाई सन् २०२० को मुद्दा सुल्झाउन ८ करोड ५० लाख डलर तिर्ने भएको छ। जसमा सर्च जायन्टले एन्ड्रोइड प्रयोगकर्ताहरूलाई अवैध रूपमा ट्र्याक गरिरहेको दाबी गरेको ब्लूमबर्गले रिपोर्ट गर्दछ।
त्यस समयमा, प्रयोगकर्ताहरूले लोकेसन डाटा सेटिङ्स बन्द गरेपछि पनि गुगलले तिनीहरूलाई लक्षित विज्ञापनहरूको लागि ट्र्याक गर्न जारी राखेको एरिजोना महान्यायाधिवक्ता मार्क ब्रनोविचले तर्क गरे। यसअघि पनि गुगललाई टेक्सास, वाशिंगटन, डीसी, र इन्डियानाका महान्यायाधिवक्ताद्वारा समान डाटा ट्र्याकिङ उजुरीहरूमा मुद्दा हालिएको छ।
ब्रनोविचको कार्यालयले उल्लेख गरेअनुसार ८ करोड ५० लाख डलर सेटलमेन्ट गुगलले यस प्रकारको गोपनीयता मुद्दामा प्रति प्रयोगकर्ता तिरेको सबैभन्दा ठूलो रकम हो।
तर गुगलले हाल त्रैमासिक राजस्व ६९ अर्ब डलर भन्दा बढि देखिरहेको छ, त्यसैले यो सजाय बाल्टिनको एक थोपा मात्र भएको जस्तो लाग्न सक्छ।
एक विज्ञप्तिमा, गुगलका प्रवक्ता जोसे कास्टानेडाकाअनुसार यो मुद्दा पुरानो उत्पादन नीतिहरूसँग सम्बन्धित छ जुन परिवर्तन गरिएको छ। “हामी लोकेसन (स्थान) डाटाको लागि सीधा नियन्त्रणहरू र स्वत: मेटाउने विकल्पहरू प्रदान गर्दछौं, र हामीले सङ्कलन गर्ने डाटालाई न्यूनीकरण गर्न सधैं काम गरिरहेका छौं,” उनले भने, “हामी यो मुद्दा समाधान गर्न पाउँदा खुसी छौं र हाम्रा प्रयोगकर्ताहरूका लागि उपयोगी उत्पादनहरू उपलब्ध गराउनमा हाम्रो ध्यान केन्द्रित गर्न जारी राख्नेछौं।”
प्रकाशित: २१ आश्विन २०७९, शुक्रबार