रियलमीको फोल्डेबल स्मार्टफोन छिट्टै सार्वजनिक हुने सम्भावना न्यून

काठमाडौं ।

पछिल्लो दुई वर्षमा रियलमीले आफ्नो उत्पादन पोर्टफोलियो विविधीकरणमा काम गरिरहेको छ। कम्पनीको नयाँ उत्पादनहरु मध्येमा फोल्डेबल स्मार्टफोन मोडल चर्चामा रहेको छ।

गिज्मोचाइनाका अनुसार कम्पनीको लचिलो डिस्प्ले भएको नयाँ ह्यान्डसेट छिट्टै सार्वजनिक हुने सम्भावना कम छ।

यो समाचार टेकराडरसँगको अन्तरक्रियमा रियलमीको उत्पादन प्रबन्धक श्रीहरीबाट आएको हो। उनले स्मार्टफोनमा भाप कूलिङ सिस्टमको विभिन्न प्राविधिकताका विषयमा छलफल गरेका थिए। कम्पनीले सम्भवत नयाँ फोल्डेबल उपकरण स्मार्टफोन बजारमा घोषण गर्ने तर्फ काम गरिरहेको उनले पुष्टि गरे।

यद्यपि उनले उक्त फोल्डेबल फोनको रिलीजको लागि कुनै विशेष समयसीमाको खुलासा गरेनन्। रियलमी फोल्डेबल फोन छिट्टै सार्वजनिक हुने सम्भावना कम छ।

चिनियाँ स्मार्टफोन निर्माताले पहिले नै स्मार्टफोन बाहेक स्मार्ट टिभी, ट्याब्लेज, अडियो एक्सेसरीज, ल्यापटप, आईओटी उपकरणहरु लगायतमा आफ्नो पार्टफोलियो विस्तार गरिरहेको छ।

कम्पनीको विस्तारको प्रयासका बावजुद फोल्डेबल स्मार्टफोनका लागि ग्राहकहरुबाट सकारात्मक प्रतिक्रिया प्राप्त गर्न सकेको छैन।

श्रीहरीका अनुसार रियलमीका उपभोक्ताहरु अन्य ब्रान्डहरु भन्दा धेरै फरक छन्। र तिनीहरुको आवश्यकताहरु पनि फरक छन्। फोल्डेबल डिस्प्ले भएका स्मार्टफोनहरु आफ्ना लक्षित ग्राहकहरुका लागि सही विकल्प नभएको पनि उनले बताए।

यसले पनि रियलमीको फोल्डेबल स्मार्टफोन ल्याउने विषय अनिश्चत बनेको छ। तर कम्पनीले फोल्डेबल फोन बजारमा ल्याउने विषयलाई पूर्ण रुपमा अस्वीकार गर्न नसकिने गिज्मोचाइनाले लेखेको छ।