Technology Khabar २५ श्रावण २०७९, बुधबार
काठमाडौं ।
चीनले बुधबार उत्तरी प्रान्त शान्सीको ताइयुआन स्याटेलाइट प्रक्षेपण केन्द्रबाट १६ ओटा नयाँ स्याटेलाइटहरु अन्तरिक्षमा पठाएको छ।
जिलिन-१ गाओफेन ०३डी०९ स्याटेलाइट र युनयाओ-१ ०४-०८ स्याटेलाइट सहितका स्याटेलाइटहरू लङ मार्च-६ क्यारियर रकेटद्वारा दिउँसो स्थानीय समयअनुसार १२:५० मा प्रक्षेपण गरिएको थियो।
यो सफलतापूर्वक नियोजित कक्षमा प्रवेश गरेको चिनियाँ समाचार एजेन्सी शिन्ह्वाले जनाएको छ।
स्याटेलाइटहरूको नयाँ ब्याच मुख्यतया व्यावसायिक रिमोट सेन्सिङ र वायुमण्डलीय इमेजिङ जस्ता क्षेत्रमा प्रयोग गरिनेछ।
यो प्रक्षेपणले लङ मार्च श्रृंखला क्यारियर रकेटहरूको लागि ४३२ औं मिशनलाई चिन्ह लगाइयो।
प्रकाशित: २५ श्रावण २०७९, बुधबार