Technology Khabar ४ फाल्गुन २०७८, बुधबार
काठमाडौं ।
गुगलले आफ्नो पिक्सेल ६ तथा ६ प्रो स्मार्टफोन सिंगापुरमा बिक्री गर्न शुरु गरेको छ।
कम्पनीले यी स्मार्टफोनहरु विश्वका केही निश्चित बजारहरुमा मात्रै उपबलब्ध गराउँदै आएकोमा अब सिंगापुरमा पनि उपलब्ध गराउन थालेको हो।
गुगलले पहिले ९ देशमा पिक्सेल ६ सिरिजको बिक्री थालेको र केही समय अघि मात्रै स्पेन र इटली थपेर ११ देश पुर्याएको थियो। यस हिसाबले सिंगापुर पिक्सेल ६ डिभाइसका लागि १२औं बजार हुन पुगेक छ।
सिंगापुरमा यी डिभाइसमध्ये पिक्सेल ६ ९९९ सिंगापुर डलरमा तथा ६ प्रो १,२९९ सिंगापुर डलरमा खरिद गर्न सकिने जीएसएमएरिनाले उल्लेख गरेको छ।
पिक्सेल ६ स्टर्मी ब्ल्याक तथा सोर्टा सीफोम र ६ प्रो क्लाउडी ह्वाइट र स्टर्मी ब्ल्याक रंग संयोजनमा उपलब्ध हुने बुझिएको छ।
यी दुवै सेट १२८ जीबी आन्तरिक स्टोरेज भर्सनमा उपलब्ध छन्।
प्रकाशित: ४ फाल्गुन २०७८, बुधबार