माइक्रोसफ्टको ल्यापटप, तीन ट्याब्लेट र नयाँ फोल्डिङ्ग फोन सार्वजनिक, यस्ता छन् विशेषताहरु

काठमाडौं ।

माइक्रोसफ्टले बुधबार ल्यापटप, तीन ट्याब्लेट र नयाँ फोल्डिङ्ग फोनसहित पाँच नयाँ सर्फेस उत्पादनहरु घोषणा गरेको छ। माइक्रोसफ्टले हार्डवेयरबाट धेरै पैसा कमाउँदैन। दोस्रो क्वार्टरमा कम्पनी को राजस्वको ४ प्रतिशत मात्र उपकरणहरुबाट आयो।

गार्टनरको अनुमान अनुसार ग्लोबल पीसी बजार लेनोभो, एचपी, डेल र एप्पलको नेतृत्वमा छ।

जबकि यी संवर्द्धनले सर्फेसबाट हुने आम्दानी वृद्धि कायम राख्न मद्दत गर्न सक्छ । यो अधिक संभावना छ कि उनीहरुमार्फत आगामी विन्डोज ११ अपरेटिङ्ग सिस्टम र अफिस उत्पादकत्व एपहरुलाई बढावा दिनेछन्, दुबै माइक्रोसफ्ट ब्यापारको अधिक सार्थक भाग हुन्, र यसले सहकर्मी उपकरण निर्माताहरुको कामलाई प्रेरित गर्दछ।

विन्डोज ११ अक्टोबर ५ मा बाहिर आउनेछ, र नयाँ पीसी र फोन माइक्रोसफ्टले घोषणा गरेको एकै समयमा सुरु हुनेछ। प्रि-अर्डर बुधवार केहि बजारहरुमा शुरू भएको छ। यसको मतलब डिभाइसहरु चरणबद्धरुपमा आईरहेका छन तर यी सबै छुट्टिहरुको समयमा आउनेछ।

कम्पनीले इभेन्टमा सर्फेस डुओ २ स्मार्टफोन एन्ड्रोइडमा आधारित भएर ल्याएको छ । यसमा पहिलेभन्दा धेरै सुधार गरिएको छ । यो डिभाइसले ट्याब्लेट र मोबाइल दुवैको काम गर्छ। यो डिभाइसको साइडमा पनि स्क्रीन रहेको छ। कुनै सामान्य फोनजस्तै यसलाई कलिङका लागि प्रयोग गर्न सकिन्छ। यसमा ५.८ इन्चको एमोलेड पिक्सेलसेन्स डिस्प्ले राखिएको छ। यसमा स्न्यापड्रागन ८८८ फाइभजी चिपसेट रहेको छ । यसको मूल्य १,४९९ डलरबाट शुरु हुनेछ।

यस बाहेक सर्फेस ८ प्रो ट्याबलेट ल्याएको छ। सर्फेस ८ प्रो ट्याबलेटमा १३ इन्च डिस्प्ले, साँघुरो बेजेल १२० हर्ज डिस्प्लेको साथ सर्फेस प्रो एक्सको जस्तै देखिन्छ। यसका साथमा कम्पनीले स्लीम पेन २ समेत ल्याएको छ । सर्फेस ८ प्रो ट्याबलेटको बजार मूल्य १,१०० अमेरिकी डलर तोकिएको छ भने स्लीम पेन २ को मूल्य १३० डलर पर्नेछ।

कम्पनीले टू इन वान सर्फेस प्रो एक्स ट्याब प्लस ल्यापटप घोषणा गरेको छ । यसमा खासै धेरै परिवर्तन छैन् । यसमा वाईफाई मात्र प्रयोग गर्न सकिनेछ भने यसको मूल्य यसअघिको मोडल भन्दा १०० डलर कम गरेर अर्थात ८०० अमेरिकी डलर तोकिएको छ ।

सर्फेस गो ३ बजेट ट्याबलेट हो । यो सानो डिस्प्ले साइज र कन्फिगरेसनका साथमा आउँछ । यसमा पेन्टियम गोल्ड ६५००वाई सीपीयू राखिएको छ । यसको शुरुवाती मूल्य ४०० अमेरिकी डलर छ ।

यस बाहेक कम्पनीले सर्फेस ल्यापटप स्टुडियो घोषणा गरेको छ । यो कम्पनीको पहिलो यो सिरिजको डिभाइस हो । यसमा १४ इन्चको डिस्प्ले छ भने यसलाई ट्याबलेटको जसरी पनि प्रयोग गर्न सकिन्छ । यसमा इन्टेलको ११ औं पुस्ताको एच३५ प्रोसेसर प्रयोग गरिएको छ भने इन्टेलको एक्सई ग्राफिक्स राखिएको छ । यसको मूल्य १,६०० अमेरिकी डलर तोकिएको छ ।

यी सबै डिभाइसहरु अहिले नै प्री अर्डर गर्न सकिन्छ भने यो अक्टुबर ५ मा मात्र उपलब्ध हुनेछ।