Technology Khabar २९ श्रावण २०७८, शुक्रबार
काठमाडौं ।
हाल विश्वका थुप्रै स्मार्टफोन निर्माताहरु सकेसम्म ठूला साइजका तथा फाइभजी डिभाइस बनाउने होडबाजीमा उत्रिरहेका बेला एउट कम्पनीले भने ३ इन्चो फोरजी एलटीई स्मार्टफोन सार्वजनिक गरेको छ।
चिनियाँ कम्पनी मोनीले निर्माण गरेको ३ इन्चको यो स्मार्टफोनको नाम ‘मिन्ट’ राखिएको र यो विश्वकै सबैभन्दा सानो फोरजी एलटीई फोन भएको दावी गरिएको छ।
यो सानो छरितो देखिने स्मार्टफोनमा ३ इन्चको ८५४x४८० पिक्सेल रेजोल्युशन भएको एलसीडी डिस्प्ले दिइएको छ भने ३ जीबी र्याम र ६४ जीबी आन्तरिक स्टोरेजको व्यवस्था गरिएको छ।
क्वाडकोर सीपीयूयुक्त यो डिभाइसमा कनेक्टिभिटीका लागि ब्लूटूथ, जीपीएस तथा डुअल सिम कार्ड स्लट राखिएको छ।
प्रकाशित: २९ श्रावण २०७८, शुक्रबार