तपाईको फोन ह्याक गर्न सक्दछ पेगासस स्पाइवेयरले, जान्नुहोस् कसरी सुरक्षित रहने

काठमाडौं ।

‘पेगासस’ एक इजरायल कम्पनी एनएसओ (NSO) ग्रुप द्वारा विकसित एक स्पाइवेयर हो। यो वास्तविकरुपमा पहिलो पटक २०१९ मा चर्चामा आएको थियो, जब एक अरब एक्टिभिस्टलाई एक संकास्पद मेसेज आएपछि यस बारेमा शंका गरिएको थियो।

पेगासस स्पाइवेयरले आईफोन प्रयोगकर्ताहरूलाई लक्षित गरेको विश्वास गरिएको थियो। एप्पलले त्यसपछि आईओएसको एक अपडेट संस्करण जारी गर्‍यो, जसले पेगाससले फोन ह्याक गर्न प्रयोग गरिरहेको सुरक्षा त्रुटिहरूलाई ठीक गर्यो। यद्यपि एक वर्ष पछि विशेषज्ञहरूले यो स्पाइवेयरले एन्ड्रोइड फोनलाई पनि असर गर्न सक्ने बताएका थिए ।

पेगासस किन अब फेरी चर्चामा छ?

यो स्पाइवेयरलाई “मोस्ट सोफिस्टिकेटेड” फोन ह्याकिङ्ग टूल भनिन्छ। यो धेरै पटक प्रयोग गरिएको छ, जसका कथाहरू हामी अहिले पनि सुन्दै छौं। महत्त्वपूर्ण कुरा, एनएसओ समूहले पेगाससको अस्तित्व पुष्टि गरेको छ।

यद्यपि इजरायली कम्पनीले यो पनि भनेको छ, ‘यो टूल सरकारलाई मात्र बेच्ने गर्छ र यसको दुरुपयोगका लागि जिम्मेवार छैन।’ आश्चर्यजनक कुरा के हो भने यो स्पाइवेयरले फोन ह्याक गरिसके पछिपनि प्रयोगकर्तालाई थाहा हुँदैन। यसले तपाईंको उपकरण ह्याक गर्न र व्हाट्सएप सहित सबै एपहरूको बारेमा जानकारी प्राप्त गर्न सक्छ।

यसले तपाईंको फोनलाई कसरी असर गर्न सक्छ?

यदि तपाइँको फोन यस स्पाइवेयर बाट प्रभावित छ भने, यसले तपाइँको एंड टू एंड एनक्रिप्टेड च्याटमा पनि पहुँच गर्न सक्दछ। अनुसन्धानका अनुसार, पेगाससले तपाईंको सन्देशहरू हेर्न, तपाईंको कलहरू ट्र्याक गर्न, र प्रयोगकर्ताहरूको एप गतिविधि ट्र्याक गर्न सक्दछ। यस बाहेक, यसले तपाईंको लोकेसनको डाटा र क्यामराको डाटालाई पनि असर गर्न सक्दछ। संसारभरका सरकारहरूले यो स्पाइवेयरको प्रयोग मान्छेहरुको जासूस गर्न प्रयोग गर्दछन्।

यो स्पाइवेयरबाट कसरी बच्ने?

यद्यपि यो स्पाइवेयर एकदम परिष्कृत छ, तर धेरै कम्पनीहरूले एप र फोनको सुरक्षा धेरै नै राम्रो बनाएका छन्। त्यसोभए चिन्ताको विषय त्यहाँ छैन। यदि तपाईं आफ्नो आईफोन वा एन्ड्रोइडमा एपहरूको नयाँ संस्करण प्रयोग गर्नुहुन्छ भने, तपाईंको फोन ह्याक हुने सम्भावना कम हुनेछ। समय-समयमा, तपाईंको सोशल मीडिया एकाउन्टको सुरक्षा जाँच गर्नुहोस् र आवश्यक कदमहरू चाल्नुहोस्। यदि तपाईं कुनै संकास्पद सन्देश वा लिंक आएको छ भने यसमा क्लिक नगर्नुहोस्।