गुगल पे अब रेमिट्यान्स बजारमा प्रवेश, अमेरिकाबाट सिंगापुर र भारतमा रकम पठाउन सकिने

काठमाडौं ।

टेक कम्पनी गुगल अब विशाल रेमिट्यान्स बजारमा प्रवेश गरेको छ । कम्पनीले हालै अन्तरदेशिय भुक्तानी सेवा शुरु गरेको छ ।

अमेरिकी टेक जायन्टको मोबाइल भुक्तान सेवा गुगल पेले मंगलबार अमेरिकाका प्रयोगकर्ताहरूले अब भारत र सिंगापुरमा पैसा पठाउन सक्ने घोषणा गरेको छ ।

कम्पनीले फिचरहरूमा पैसा हस्तान्तरण कम्पनीहरू वाइज र वेस्टर्न युनियनको समूह बनाएको छ र उनीहरूका प्लेटफर्महरूलाई गुगल पे एपमा एकीकृत गरेको छ । प्रयोगकर्ताहरूले आफ्नो पैसा विदेश ट्रान्सफर गर्नको लागि वाइज र वेस्टर्न युनियन बीच छनौट गर्न सक्दछन्। गुगलले यसको एपमार्फत क्रस बोर्डर रकम लेनदेनको सानो अंश कटौती गर्नेछ।

गुगल पेले गत बर्ष अमेरिकामा आफ्नो एपको नयाँ संस्करण सुरू गरेको थियो, सिटी जस्ता ऋणदाताहरूको एकाउन्ट जाँचको साथै पुरस्कार र बजेटिङ्ग इन्साइटको साथ बैंकिङ्ग सेवाहरू उपलब्ध गराएको थियो।

गुगल धेरै ठूला टेक फर्महरु मध्ये एक हो जसले वित्तीय संसारमा गहिरो धक्का दिँदैछ।

भविश्यमा गुगलले वाइजका सेवा उपलब्ध भएका ८० देशहरु र वेस्टर्न युनियनका सेवा भएका २०० देशहरुमा रेमिट्यान्स सेवा शुरु गर्न सक्ने संभावना रहेको देखिन्छ । एजेन्सीका साथ