Technology Khabar १० चैत्र २०७७, मंगलवार
काठमाडौं ।
ट्विटरका संस्थापक तथा प्रमुख कार्यकारी ज्याक डोर्सीले आफ्नो पहिलो ट्वीटलाई सोमबार २९ लाख डलरमा बेचेका छन्।
यो ट्वीट ननफन्गीबल टोकन (एनएफटी) को रूपमा हो जून एक प्रकारको अनौंठो डिजिटल सम्पत्ति हो र २०२१ मा लोकप्रिय भएको छ।
प्रत्येक एनएफटीको आफ्नै ब्लकचेनमा आधारित डिजिटल हस्ताक्षर हुन्छ, जसले कसैलाई सम्पत्तिको प्रमाणिकता र स्वामित्व प्रमाणित गर्न अनुमति दिँदै सार्वजनिक एकाउन्टको रूपमा काम गर्दछ।
डोर्सीको पहिलो ट्वीट मार्च २१ मा गरिएको थियो जुन ट्वीटमा ‘केवल मेरो ट्विटर स्थापना गर्दै’ (“just setting up my twttr”) लेखिएको थियो।
यो एनएफटी लिलामी मार्फत भ्यालुएबल नामक एक प्लेटफर्ममा बेचिएको थियो, जो संयुक्त राज्य अमेरिकामा आधारित कम्पनी सेन्टको स्वामित्वमा छ।
सेन्टका सीईओ र सह(संस्थापक क्यामेरून हेजाजीकाअनुसार यो १६३०.५८२५६०१ ईटीएचमा क्रिप्टोकरन्सी ईथरको प्रयोगबाट खरीद गरिएको हो, जुन बिक्रीको समयमा २९ लाख १५ हजार डलर मूल्य भन्दा बढि थियो।
This is not just a tweet!
I think years later people will realize the true value of this tweet, like the Mona Lisa painting https://t.co/vnA5pz3esQ
— Estavi (@sinaEstavi) March 22, 2021
सो एनएफटी ट्वीटलाई सिना एस्ताभीले किनेका थिए। एस्ताभीको ट्विटर प्रोफाइलकाअनुसार उनी मलेशियामा आधारित छन् र ब्लकचेन कम्पनी ब्रिज ओर्याकलका सीईओ हुन्।
सो ट्वीट सन् २००६ मार्च २१ तारिखमा प्रकाशित भएको थियो र डोर्सीले यसलाई च्यारिटीको लागि बिक्री गरेका हुन् । एजेन्सी
प्रकाशित: १० चैत्र २०७७, मंगलवार