Technology Khabar १६ माघ २०७७, शुक्रबार
काठमाडौं ।
स्मार्टफोन मार्केट रिसर्च कम्पनी क्यानालिसका अनुसार चिनियाँ स्मार्टफोन बजारमा ह्वावे पहिलो स्थानमा नै कायम रहेको छ । सन् २०२० को चौथौ त्रैमासिकमा चीनमा ८४ मिलियन स्मार्टफाने बिक्री भएको थियो । सन् २०१९ को तुलनामा यो ४ प्रतिशत कमि हो ।
सन् २०२० मा चीनभर ३३० विलियन युनिट स्मार्टफोन बिक्री भएको छ । यो स्मार्टफोनको बजार सन् २०१९ को तुलनामा ११ प्रतिशतले घटेको छ ।
चीनमा चौथो त्रैमासिकमा ह्वावेले १८.८ मिलियन युनिट स्मार्टफोन बिक्री गरेको छ । दोस्रो स्थानमा ओपो रहेको छ । यो अवधिमा ओपोले १७.२ मिलियन युनिट स्मार्टफोन बिक्री गर्न सफल भएको छ ।
१५.७ मिलियन युनिट स्मार्टफोन बिक्री गरेर भिभो तेस्रो स्थानमा छ भने चौथो स्थानमा रहेको एप्पलले १५.३ मिलियन युनिट स्मार्टफोन बिक्री गरेको छ ।
पाँचौ स्थानमा रहेको शाओमीले ५२ प्रतिशत बजार बढाएको छ । शाओमीले १२.२ मिलियन युनिट स्मार्टफोन बिक्री गरेको छ ।
यसअघि केहि दिनअघि सार्वजनिक भएको सीनो(CINNO) रिसर्चको रिपोर्टले समेत ह्वावे अझै चीनमा अग्रस्थानमा रहेको देखाएको थियो ।
प्रकाशित: १६ माघ २०७७, शुक्रबार
