नयाँ सर्तहरू लागू गर्ने कदमबाट पछि हट्यो ह्वाट्सएप, डाटा सेयर गर्ने नीतिको म्याद स्थगित

काठमाडौं ।

ह्वाट्सएपले आफ्नो नीति परिवर्तनको बारेमा ठूलो घोषणा गरेको छ। फेसबुकको अधिनमा रहेको मेसेजिंग एप ह्वाट्सएपले आफ्नो नीतिमा गरेको परिवर्तन लागू कार्यलाई स्थगित गरेको छ।

कम्पनीले यहि फेब्रुअरी ८ देखि आफ्नो नयाँ गोपनीयता नीति कार्यान्वयन गर्न गइरहेको छ, जसको लागि प्रयोगकर्ताहरूको फोद्दमा ‘नियम र सर्तहरू’ नोटिफिकेसन पप अप गर्दै थिए र तिनीहरूले त्यसलाई स्वीकार्नुपर्नेछ।

कम्पनीले भन्छ कि हाम्रो गोपनीयता नीतिको परिवर्तनको बारेमा प्रयोगकर्ताहरूमा धेरै प्रश्न र भ्रम रहेको छ, जसको कारण यो वर्तमान समयको लागि स्थगित गरिएको छ, ताकि प्रयोगकर्ताहरूले यसलाई समीक्षा गर्न र बुझ्नको लागि केही समय पाउनेछन्।

कम्पनीले आफ्नो ब्लग पोष्टमा भन्यो, हामी मिति पछाडी सार्दैछौं। ८ फेब्रुअरीमा कुनै खाता निलम्बित हुने वा मेटिने छैन। यसका साथ हामी ह्वाट्सएपको गोपनीयता र सुरक्षाका बारे फैलाएको गलत सूचनालाई स्पष्ट पार्न काम गर्दैछौं।

ह्वाट्सएपले भर्खरै आफ्ना प्रयोगकर्ताहरूलाई सेवा सर्तहरू र गोपनीयता नीतिको बारेमा अपडेटहरू दिन सुरू गर्यो। ह्वाट्सएपले यसमा बताएको छ कि उनले कसरी प्रयोगकर्ताहरूको डाटा प्रक्रिया गर्दछन् र फेसबुकमा डाटा साझेदारी गर्दछन्।

Thank you to everyone who’s reached out. We're still working to counter any confusion by communicating directly with @WhatsApp users. No one will have their account suspended or deleted on Feb 8 and we’ll be moving back our business plans until after May – https://t.co/H3DeSS0QfO

— WhatsApp (@WhatsApp) January 15, 2021

यति मात्र होइन, अद्यावधिकमा यो पनि भनिएको थियो कि ह्वाट्सएप सेवाहरू प्रयोग गर्न जारी राख्नका लागि प्रयोगकर्ताहरूले नयाँ नियम र नीति फेब्रुअरी ८, २०२१ मा स्वीकार्नुपर्दछ, अन्यथा प्रयोगकर्ताहरूले ह्वाट्सएप प्रयोग गर्न सक्नेछैनन्।

जनवरी ५ मा, ह्वाट्सएपले आफ्नो प्राइभेसी नीति परिवर्तन गर्ने घोषणा गरेको थियो, यसपछि करोडौं प्रयोगकर्ताहरूको एपमा एउटा नोटिफिकेसन पपअप भइरहेको छ, जसमा गोपनीयता नीति स्वीकार्न आग्रह गरिएको छ ।

तर नयाँ निर्णयसँगै धेरै प्रयोगकर्ताहरु ह्वाट्सएपबाट सिग्नल तथा टेलिग्राम तर्फ लागेका थिए ।