इन्स्टाग्राम रील्समा अब ३० सेकेन्डको भिडियो बनाउन सकिने, धेरै नयाँ सुविधाहरू थपिँदै

Technology Khabar ९ आश्विन २०७७, शुक्रबार

इन्स्टाग्राम रील्समा अब ३० सेकेन्डको भिडियो बनाउन सकिने, धेरै नयाँ सुविधाहरू थपिँदै
Classic Tech

इन्स्टाग्रामले टिकटकसँग प्रतिस्पर्धा गर्नेगरि भिडियो शेयरिंग फीचर रिल्समा नयाँ अपडेट ल्याएको छ ।

इन्स्टाग्रामको अन्तिम अपडेटले अब यूजर्सलाई ३० सेकेन्ड लामो भिडियोहरू सिर्जना गर्न अनुमति दिनेछ। अहिले सम्म यस प्लेटफर्ममा १५ सेकेन्डको भिडियो मात्र बनाउन सकिन्छ।

इन्स्टाग्रामले रील्सका लागि केही आधारभूत तर महत्त्वपूर्ण र उपयोगी सुविधाहरू प्रस्तुत गर्ने घोषणा गरेको छ, टिकटकको विकल्पको रूपमा ल्याईएको रिल्स फीचरलाई अझ सुविधाजनक बनाउन नयाँ अपडेट गरिएको जानकारी दिएको छ।

यो फीचर केहि महिना पहिले भारतमा प्रस्तुत गरिएको थियो। यसमा १५ सेकेन्ड लामो भिडियोहरू सिर्जना गर्नुका साथै, रिल्समा टाईमर सीमा आगामी अद्यावधिकहरूको साथ १० सेकेन्ड गरिएको छ।

साथै तपाईं भिडियो ट्रिम गर्न र गैर-आवश्यक क्लिपहरू मेटाउन सक्षम हुनुहुनेछ। इन्स्टाग्रामले चाँडै नै आफ्ना प्रयोगकर्ताहरूको लागि यी नयाँ अपडेटहरू जारी गर्न गइरहेको छ।

इन्स्टाग्रामले ट्विटर मार्फत रीलहरूको लागि यी अपडेटहरू ल्याएको जानकारी दिएको छ। रील्सको लागि यी अद्यावधिकहरूको उद्देश्य छोटो भिडियो बनाउने र फिचर रिल्समा अपलोड गर्ने सुविधालाई अझ सहजै बनाउनु रहेको कम्पनीको भनाई छ।

रील्स इन्स्टाग्रामअन्तरगतको छोटो भिडियो बनाउने र साझेदारी गर्ने फीचर हो, जसको माध्यमबाट प्रयोगकर्ताहरूले अडियो र भिजुअल प्रभावका साथ भिडियोहरू रेकर्ड र सम्पादन गर्न सक्दछन्।

प्रकाशित: ९ आश्विन २०७७, शुक्रबार

Comments are closed.

Loading...