एप्पलले भारतमा आफ्नो ब्राण्ड स्टोर खोल्दै, सेप्टेम्बरदेखि अनलाइन स्टोर संचालन गर्ने

काठमाडौं ।

भारतमा एप्पलको आधिकारीक र ब्राण्ड स्टोर संचालन हुने बारेमा चर्चा हुँदै आएको छ। तर अहिलेसम्म भारतमा एकल एप्पल स्टोर छैन।

यद्यपि, अब कम्पनीले भारतमा अनलाईन स्टोर खोल्न तयारी गरिरहेको छ।

ब्लूमबर्ग रिपोर्टका अनुसार एप्पलले भारतमा पहिलोपटक अनलाइन स्टोर खोल्नेछ, जहाँ केवल एप्पलका उत्पादनहरू मात्र बेचिने छन्।

हाल कम्पनीले भारतका ई-कमर्स वेबसाइट अमेजन, फ्लिपकार्ट र पेटीएम मलबाट आफ्ना उत्पादनहरू बिक्री गर्दै आएको छ।

एप्पल को यो अनलाइन स्टोर फेस्टिभ सिजनको समयमा शुरू गरिने बताईएकोछ। कम्पनीको अनलाइन स्टोर भने आउँदो महिनामा सुरू हुन सक्छ अर्थात् मध्य र सेप्टेम्बरको अन्तमा।

टेक क्रंचको एक रिपोर्टमा सन् २०२० को तेस्रो क्वाटरमा एप्पलले अनलाइन स्टोर भारतमा सुरू गर्न सक्ने उल्लेख छ।

अहिले नै सन् २०२० मा अफलाईन एप्पल स्टोर भारतमा शुरु हुने संभावना कम छ । तर २०२१ मा कम्पनीले अफलाईन स्टोरहरू खोल्न सक्छ। पहिलो एप्पल स्टोर मुम्बईमा खुल्नेछ र यसपछि दोस्रो एप्पल स्टोर बंगलोरमा खोल्न सक्ने रिपोर्टमा उल्लेख छ ।

भारतमा एप्पलको बजार शेयर पर्याप्त कम छ, तर भारत कम्पनी को लागी एक ठूलो बजार छ। एप्पलको आफ्नै फ्यानबेस छ, तर अधिक मूल्यका कारण बजार सेयर अन्य कम्पनीहरूको भन्दा कम छ।

भारतमा बजार हिस्सा बढाउन कम्पनीले भारतमा आफ्ना आईफोन मोडलहरू भेला गर्न पनि थालेको छ। भर्खर आईफोन एसई २०२० लाई सुरू गरिसकिएको छ, जुन कम्पनीको कम लागतको स्मार्टफोन हो।