जूममा नयाँ फिचर आउँदै, आफ्नो देशमा भएका प्रयोगकर्तालाई सरकारले रोक्न सक्षम हुने

काठमाडौं ।

लकडाउनका दिनहरूमा मल्टी युजर भिडियो कन्फ्रेन्सिङ्गको सुविधा प्रदान गरेको कारण ‘जूम’ एप्लिकेशन धेरै लोकप्रिय भएको छ।

यद्यपि यो विवादहरुमा पनि पर्दै आएको छ र हालसालैको एउटा विवादपछि कम्पनीले आफ्नो प्लेटफर्ममा यस्तो फिचर ल्याउन लागेको छ जसबाट सरकारले देशभित्रका कुनै पनि युजरको एकाउन्ट बन्द गर्न सक्नेछ ।

रिपोर्टका अनुसार कम्पनीले हाल यस फीचरमा काम गरिरहेको छ र यो आउने दिनमा सम्भावित हुनेछ। तर कम्पनीले अझै सम्म नयाँ फीचरको रोल आउट मिति दिएको छैन।

कम्पनीले भनेको छ कि यस फीचरको माध्यमबाट कुनै पनि देशको सरकारको अनुरोधमा प्रयोगकर्ताको खाता उनीहरूको देशको कानून बमोजिम बन्द गर्न सकिन्छ।

यद्यपि कम्पनीले स्पष्ट गर्‍यो कि आउँदो समयमा चीनको अनुरोधमा उसको देशभन्दा बाहिर कुनै प्रयोगकर्ताको खाता बन्द हुँदैन।

केहि दिन अघि मात्रै जूमले विवादित भयो जब कम्पनीले चिनियाँ सरकारको अनुरोधमा अमेरिकामा बस्ने एक चिनियाँ अधिकारकर्मीको एकाउन्ट बन्द गर्‍यो। सो अधिकारकर्मीले सन् १९८९ मा चीनको टियानमेन स्क्वायरमा भएको प्रदर्शनको वार्षिकोत्सवको अवसरमा भिडियो कन्फरेन्सको आयोजना गरिरहेको थियो।

चीनमा जुममाथि प्रतिबन्ध लागेको छैन।

यस तथ्यलाई ध्यानमा राख्दै, यो नयाँ फिचर ल्याउने कम्पनीको कदमले चिनियाँमा सेन्सरशिपको अगाडि आत्मसमर्पण गरे जस्तो भएको अनुमान गरिएको छ। यस कदमबाट चिनियाँ सरकारको अनुरोधमा चीनमा उपस्थित प्रयोगकर्ताहरूको खाताहरू बन्द गर्न सकिनेछ।

तर कम्पनीले चीनभन्दा बाहिर भने यस्तो खाता बन्द नहुने दाबी गरेको छ । एजेन्सी