Technology Khabar ३१ बैशाख २०७७, बुधबार
काठमाडौं ।
एप्पलको आईफोन विश्वभर निकै लोकप्रिय रहेकोछ भने सेलेब्रेटीहरु र धनाढ्यहरुको पहिलो रोजाईमा पर्ने गर्दछ । अझ चीनजस्तो आइफोन क्रेज भएको देशमा त हरेकले आईफोन किन्ने सपना बनाएका हुन्छन् ।
तर एप्पलकै प्रतिस्पर्धी कम्पनीका सिईओले पनि आईफोन प्रयोग गर्दछन भन्ने सुन्दा भने अनौठो लाग्दछ । जसको बारेमा प्रश्न उठ्नु पनि स्वभाविक हो ।
हालै चिनियाँ स्मार्टफोन मेकर शाओमीका सिईओ लेई जुनले आईफोन प्रयोग गरिरहेको भेटिएको छ । उनले चीनियाँ सोशल मिडिया प्लेटफर्म वेबोमा हालै गरेको एक पोस्टबाट उनी आईफोन प्रयोग गरिरहेको जानकारी बाहिर आएको हो ।
चिनियाँ स्मार्टफोन कम्पनीका को-फाउण्डर जुनले हालै वेबोमा केहि पुस्तकहरु सिफारिस गरेर पोस्ट गरेका थिए जसमा वेबोले उनको डिभाइस आईफोन भएको देखाएको थियो ।
उनले त्यो पोस्ट पछि डिलिट गरेका थिए । तर त्यसबेलासम्म त्यो भाइरल भईसकेको थियो । उनका शाओमी पार्टनर पान जिताङ्गले उनको पक्षमा समर्थन गरेका थिए । उनले एउटा मोबाइल फोन कम्पनीको धनी वा प्रडक्ट म्यानेजरले एप्पल, सामसङ, वा अन्य प्रतिस्पर्धी कम्पनीका फोनहरु प्रयोग नगर्नु भन्ने ईपोक्रिटिकल भएको बताए । उनले अन्य प्रडक्टहरुमा हुने प्रविधिगत आविस्कारहरु र त्यसमा हुने विकासलाई अगाडि बढाउनु यस्तो हुने जिकिर गरेका छन् ।
यसअघि पनि विभिन्न ब्राण्डका प्रमुख वा मेनेजरहरुले आईफोन प्रयोग गरेको जानकारी भेटिएको थियो ।
तर शाओमीका प्रमुखले नै अर्को ब्राण्डको फोन प्रयोग गरेपछि त्यसले शाओमी फ्यानहरुलाई भने दुखित र अनादर गरिएको जस्तो भएको बताईएको छ । एजेन्सी
प्रकाशित: ३१ बैशाख २०७७, बुधबार