Technology Khabar २७ बैशाख २०७७, शनिबार
काठमाडौं ।
अनलाइन गेम फोर्टनाइटका प्रयोगकर्ताहरु साढे ३ करोड नाघेका छन् । हालै ईपिक गेम्सले फोर्टनाइटको प्रयोगकर्ताहरुको तथ्यांक सार्वजनिक गर्दै ३ करोड ५० लाख नाघेको जानकारी दिएको छ ।
कम्पनीकाअनुसार सन् २०१७ मा यो गेम लन्च भएदेखि हालसम्मको तथ्यांक हो । जसमध्ये १ करोड त गएको २०१९ मार्चमहिनादेखि हालसम्ममा थपिएका हुन् ।
फोर्टनाइटमा गएको अप्रिलमा मात्रै ३.२ अर्ब घण्टा गेम खेलिएको रेकर्ड दर्ता भएको छ । यसबोहक फोर्टनाइटले गत महिना आयोजना गरेको ट्राभिस स्कट्स एस्ट्रोनोमिक कन्सर्टका सहभागीहरुको संख्यामा पनि रेकर्ड दर्ता गरेकोछ । ईपिक गेम्सकाअनुसार भर्चुअल शोमा १ करोड २३ लाख खेलाडीहरु निरन्तर सम्पर्कमा रहेका थिए । जसमा कुल सहभागीताको हिसाब हेर्दा २ करोड ७७ लाख यूनिक प्लेयर्स रहेका थिए ।
फोर्टनाइट गेम मेकर ईपिकले हालैमात्र गूगल प्ले स्टोरमा सरेण्डर गर्दै पुन राखेको थियो । यसअघि सन् २०१८ मा कम्पनीले एन्ड्रोयडको आधिकारीक स्टोर प्रयोग नगर्ने भन्दै गूगलले ईन एप पर्चेजमा लिने गरेको कमिशन आफैंले राखेको थियो ।
Fortnite now has over 350 million registered players! In April, players spent over 3.2 billion hours in game. ??
Let’s keep the party going with our Party Royale Premiere LIVE on May 8 at 9PM ET featuring @DillonFrancis @steveaoki @deadmau5: https://t.co/H18c3UgBL1 pic.twitter.com/Cgt3r7LXQO
— Fortnite (@FortniteGame) May 6, 2020
करिब १८ महिनासम्म एन्ड्रोयडका प्लेयरहरुले प्ले स्टोर बाहिर गएर गेम डाउनलोड गर्नुपरेको थियो । यसले गर्दा प्लेयरहरुलाई प्ले स्टोरबाट सेक्यूरिटी नोटिफिकेसन आउने गर्दथ्यो ।
गूगल प्ले प्रोटेक्टले सामान्यतया प्ले स्टोरभन्दा बाहिरका सफ्टवेयरलाई ब्लकगर्ने गर्दछ ।
यहि कारणले गर्दा ईपिकले पुन प्ले स्टोरमा फोर्टनाईटलाई ल्याएको हो ।
प्रकाशित: २७ बैशाख २०७७, शनिबार